Suplemen Bimbingen PA Mamre Tanggal 26 April - 2 Mei 2015, Ogen Filipi 4:15-18
Ogen : Filipi 4:15-18
Tema : Erdiate ras Erpemere
Tujuan :
Tujuan :
- Mamre meteh kuga Paulus nggejabken pemere ras perhatin perpulungen Pilipi.
- Gelah Mamre mediate ras erpemere bagi perpulungen pilipi
- Motto mamre GBKP eme “erdiate ras erpemere” arah enda maka enggo jelas maka mamre GBKP nggeluh lapelit, dalam arti: Mamre melumbar baik berbagi waktu nan de kalak, berbagi pengalaman, berbagi pemeteh bagepe berbagi harta silit ibas ia, tentuna kerina erpalaskan keleng ate Tuhan Yesus Kristus. Adina kita erdiate ras erpemere eme sipertama lebei lit ibas kita kekelengen/ate mekuah, emaka arah ate mekuah turah keleng ate emaka turah erdiate, piah seh ku tingkat erpemere. Ibas gereja lit sada singkaten eme: TAM-TAM kepanjangen eme; Turah ate mekuah, Turah ate malem. Jadi kita natap temanta si mbutuhken perbahenenta; turah ate tamekuah nandangi ia, emaka sikelengi erdiate kita emaka arah perbahanenta e turah atena malem. Adi enggo turah atena malem me ateta pe malem natap temanta si enggo si perdiateken e. Emaka ibas geluhta mari si peturah rusur ateta mekuah, si perdiateken temanta ras sisampati ia arah pemerenta gelah malem atena ndalani kegeluhen enda.
- Adi siperdiateken ku Rasul Paulus nehken suratna ku perpulungen pilipi i daerah makedoni. Ija sejarah makaPaulus pernah seh ku makedoni eme erkiteken persuruhen kesah si badia maka turah atena mekuah nandangi kalak makedoni e, emaka ia singgah ije guna meritaken berita si meriah. Ibas berngi e Paulus ngaloken sada pengenehenen. Ibas pengenehenen e idahna sekalak makedoni, tedis janah erdilo man bana nina, mari ku makedoni sampati kami (per ras 16 : 9). Luar biasa Paulus ras teman-temanna, siatena lawes ku propinsi asia, tapi kesah siBadia mindo gelah ku makedoni, turah atena mekuah (Tam), emaka erdiate ia, erpemere nandangi dahin pebelangken berita si meriah. Cukup erdiate ia nandangi pembarken berita e ku makedoni, emaka berkat iaras teman-teman na. Emaka i makedoni ngajar ia, luar biasa sambuten kalak makedoni, diantarana lit sekalak bayak, perbinaga uis ungu tek man Yesus ras tutus kal atena, emaka tek ia ras anak jabuna,bahkan Paulus pe ibabana kurumahna (per ras 16 : 11-15). Bagepe lit sekalak diberu si erjinijung i pelawesPaulus jinujung e (Kis 16 : 16-). Emaka enterem kal kalak sitek man Yesus i makedoni. Malem ate kalak enda, bage pe malem ate Rasul Paulus erkiteken reh teremna kalak sitek.
- Emaka arah kai siniilakoken Paulus ras teman-temanna, imam perpulungen e bertumbuh, bahkan waktu Paulus i pernjara ras silas perpulungen makedoni rusur nampati ia (erdiate perpulungen e nandangi Paulus). Aminna gia ia terpenjara “Kam ngenca ikut ngenanami untung rugingku“(ay 15). Maluar bias kal jemaat pilipi e, ipujiken Paulus ia, siteh maka perpulungene kitik, janah enggo melala ka kuta-kuta i layani Paulus tapi makedoni (pilipi) ngenca mediate nandangi ia, arah penampat erdiate erpemere eme mamre GBKP, kai dage siperlu kita erdiate, tentuna ngenai pertumbuhen iman mamrenta, hubungen mamre ras keluarga, bage guna dahiken dahin berita simeriah, bagepe ikut erdiate nandangi pelayanen kasih. Janah sekaligus kita mamre melumbar ibas kai kai-pe guna menumbuhken iman jemaat. Adi si idah Paulus ras silas ia erberita simeriah mediate nandangi tanggung jawab guna menyebarkan Injil. Pemujiken Paulus nandangi perpulungen pilipi cukup luar biasa. Asum perlu aku penampat i tesalonika la sekali ngenca i kirimkendu penampat (ay 16). Masi idah kuga perbahanen jemaat nandangi rasul (hamba Tuahan). Jadi perpulungen e erdiate raserpemere, ia nandangi pelayan Tuhan. Emaka arah enda ngingetken kita kaika banci sibahan nandangi pelayan Tuhan si percayaken Dibata erdahin i tengah-tengah jemaatta...? Adi si idah jemaat pilipi enda, bancinge ndia jadi teladan man banta guna erdiate ras erpemere nandangi para pelayan-pelayan Tuhan itengah-tengah gerejanta. Kuakap adina mamre ersada arihna dingen erpemere kaipi banci ban, baik guna para pelayan bagepe membangun massa depan jemaatta. Emaka sisungkun dirinta: apainge buen si gunaken sebagai mamre kukede kopi, nukur isap, tah sisea-sea,asangken si bereken man pertumbuhen gerejanta, bagepe nampati para pelayan-pelayan bas gerejanta...? Ula kita mbiar-erbahan simehuli arah erdiate dingen erpemere, sebab arah perbahanenta e, nina Paulus “Keuntungendu i tambahi (ay 17b). Luarbiasa perbahanen Dibata, perpulungen pilipi e, untungna lalap i tambahi ....engkai...? perban iasetia nampati hamba Tuhan emaka si melumbar ngalope simpar, janah pasu-pasuna pe tetap nambahi keuntungen ibas usaha sini idalanken kita emaka mari radu ras kita erdiate dingen erpemeri ibas pebelangken berita si meriah.
Salam
Pdt. A. Brahmana
