Suplemen Bimbingen PA Mamre Tgl. 5-11 April 2015

Thema    :    Arih-arih (runggu) guna si mehuli
Tujuan   :    Gelah Mamre mpelebe bbudaya runggu ibas muat keputusen si mehuli
Teks       :    Kisah Para Rasul 15 : 1-11

1.  Pertambahan kalak si tek man Yesus reh warina reh teremna, hal enda terjadi erkiteken Rasul si sepulu dua (murid Yesus), nerusken kai si enggo i padanken Yesus man bana eme adi enggo pagi reh kesah e maka kampe pagi jadi naksiken kerna Aku: man kalak sideban, i jerusalem i daerah Yudea ras samaria seh ku belang-belang doni enda (Per ras 1 : 8). Emaka kenca enggo reh kesah Sibadia kerina ajar-ajar bergerak guna pebelangken berita simeriah. Man kalak Yahudi bagepe kalak si labo Yahudi. Apaika kenca idilo Dibata Saulus guna jadi Rasul peseh breita si meriah, maka tuhu-tuhu kal BSM e reh mbarna. Emaka si jadi kalak Kristen enggo berbagai-bagai suku, tapi tetap si jadi mayoritas kalak Yahudi si enteremna pengikut Kristus. Emaka ibas pertambahen anggota enda maka reh ka me masalah-masalah siturah i tengah-tengah perpulungen. Ija kalak Yahudi si mayoritas maka akapna ia harus jadi ikuten, bahkan kai si ibelaskenna harus ituruti. Emaka i tetapkenna maka kerina kalak silabo Yahudi adi jadi pengikut Kristus maka harus isunatken lebei (i Jahudiken) adi lang labanci bergabung. Emaka ajaren enda ilawan Paulus ras Barnabas, terjadi me perjengilen simesangat (ay 2).
2. Kepeken hal-hal siterjadi enda guna ndungisa harus ibaba ku persidangen gereja. Sementara rasul-rasul ras pertua-pertua lit i jerusalem, emaka gelah ula terjadi persoalen e mbelang maka Paulus ras barnabas berkat ku jerusalem gelah icakapken ras tokoh-tokoh/ rasul-rasul terutama Petrus lit i Jerusalem. Emaka sibalik keriahen ukur, erkiteken reh terem na kalak sitek man Yesus, tapi it ka hal-hal si labagi ukur, eme kerina harus sunat ras ndalanken undang-undang Musa. Tapi pasti lit ka sikeberaten terutama kalak Kristen si labo yahudi emaka terjadi perdebaten ibas persidangen e. Lalap lalit keputusen, hal enda megati terjadi ibas gereja mesera muat keputusen, sementara simancakapken e labo menentuken keselamten, tapi lit rusur si mpertahankenca. Tapi Petrus sebagai kelompok murid Yesus, langsung tedis, janah mereken keterangan man perserta sidang i jerusalem e. O senina-senina, itehndu maka nai nari aku enggo i pilih Dibata itengah-tengah du nari guna meritaken berita si meriah man silabo kalak jahudi gelah ibegina dingen tek ia (ay 7). Janah Dibata, sinandai i perukuren manusia, enggo ncidahken maka silabo kalak Jahudi pe ia akuina man banta (ay 8). Labo erndubahan idahna kita ras silabo kalak jahudi. I bersihkenna ukur kalak e perban ia tek  (ay 9). Engkai maka icubai ndu Dibata. Megiken enda maka Rasul Petrus labo membela ije pe tapi ia membela Kristus si nelamatken, sebab keselamaten e rehna arah pegorbanen Yesus, labo arah sunat tahpe undang-undang Musa emaka persidangen e jadina mehuli sebab kerina si ngerana erpalasken kepentingen Tuhan Yesus labo kelompokna.
3. Tgl. 11-17 april 2015, i lakoken sidang synode GBKP ke 35 i suka makmur (retreat Center). Ja kerina utusen runggun, BP Klasis kategori tingkat moderamen pulung i perhitungken lit 1500 kalak sihadir. Janah ibas persidangen moderamen nehken laporen kerja 5 tahun, bagepe nusun program  5 thn kedepan ras netapken tata gereja 10 thn bagepe milih pengurus moderamen periode 2015-2020. Emaka iarapken maka ibas persidangen en si jadi kepala tetap Tuhan Yesus sebagai pemilik gerejaNa, janah lalit ije si mencari sensasi, labo me mentingken kelompok. Apaika kita kalak karo budayanta eme budaya runggu, emaka budaya runggu kalak karo kaipe banci i cakapken alu mehuli sebab labo mencari nama tahpe kepentingen. Arah persidangen synode enda ateta min gelah gerejanta si enggo 125 thn enda jadi gereja di moderen, maju ras erguna man doni enda. Tentuna hal enda banci terwujud adina kerina peserta sidang merasa memiliki andil guna kemajuan Gerejanta kedepan. Emaka kerina peserta harus dewasa ibas erbahan usul ras keputusen, ula sora saja ngenca megang, sigegeh-gegeh, tapi budayaken budaya kekelengen sebab eme sinisuraken Yesus sebagai pemilik GBKP simalem enda. Siarapken kerina peserta sidang reh ku suka makmur tersenyum bagepe mulih suka makmur nari tersenyum. Adina tersenyum kita kerina maka Dibata pe tersenyum natap kita anak-anakna sisada odak sada oleh guna ncakapken kemajun gerejanta enda

Salam
Selamat Ersynode
Pdt A. Brahmana S.Th (0813 17054961).