Suplemen Bimbingen PA Mamre Tgl. 15-21 Maret 2015

• Gelah mamre meteh konsep pengajaren orang tua man anak rikutken tradisi kalak Yahudi
• Gelah mamre ngasup jadi guru kegeluhen si berhasil. 

(1) Bapa/Mamre eme tokoh sentral bas jabu, rusur sikataken ia me imam keluarga nande binangun toto. Emaka tugas sekalak bapa eme guna nehken pendidikan rohani man isi jabu terutama nandangi anak-anakna si enggo i pelimiken Dibata ku tengah-tengah jabunta. Erkiteken sie make kepeken tugas bapa enda cukup mberat, ia ka si ertanggung jawab guna ndarami kebutuhen jabu, bagepe ia ka guru man anak jabuna. Menjadi tanggung jawab guna keperlun jabu maka harus kerja keras erdahin, lalit waktu isia-siakenna. Bagepe sebagai guru maka setiap lit kesempaten i pakekenna guna ngajari anak jabuna gelah tetap erkemalangen man Dibata, bagepe ngarahken anak-anak gelah banci anakna e memiliki kemampuan bersaing ras anak-anak sideban (bersaing positip).

(2) Kalak Israel lenga seh itanah Kanaan, tapi enggo di depan mata. Emaka tole Dibata arah Musa nehken pengajaren man umat Israel, terutama nandangi orangtua/perbapan. Emaka imulaina arah orangtua nari: “Ikutkenlah kerina undang-undang e, eme kam ras sinursurdu erkemalangen man Tuhan Dibatandu, kidekah umur geluhdu (ay 1-2)”. Engkai maka ikut ken...? Nina Dibata gelah mejuah-juah kam, gedang umurdu, jadi bangsi simbelin me kam. Luar biasa hasilna adi ngikutken undang-undang Tuhan. Emaka kenca orangtua ngikutken undang-undang e, iajuk kerina gelah ngkelengi Tuhan Dibata, ertina ibas kerina dampar geluh harus iawali alu erpengendes man Dibata bagepe mengakhiri hidup arus ibas keleng ate Dibata. Dibata menegeskan alu tegas jelas ras keras: “Ula ndigan pe lupa kendu, kerina perentah-perentah enda” alu enda ka ngajuk kita maka ijapa pe kita ije harus terus singet Dibata maka lit bas ingan e. Emaka mbiar kita erbahan si la uli. Emaka nina Dibata: Ajarkenlah e man anak-anakndu, persingeti rusur. Enda me merupaken tanggung jawab simberat, ija kita guru rohani, ngajarken ras mpersingetti: i rumah, sanga erdalen, sanga ngadi-ngadi sanga erdahin: Ma lalit waktu guna ningetken kata Dibata si sia-siaken, kerina harus i manfaatken alu mehuli kapan dan dimana saja.

(3) Salah sada cara si utama guna nehken pengajaren kerna keleng ate Dibata man anak-anak eme: mperdiateken kesejahteraan rohani anak-anakta e, berusaha kita guna negu-negu ia gelah tetap lit hubungenna ras Dibata ibas perdalanen geluhna. Ibas kita ngajarken e, eme pembinaan Rohanina, sebab enda me si utama nandangi anak ibas pertumbuhenna sebagai anak-anak Tuhan (Eps 6 :4). Janah pengarahen Rohani anak-anak e labo cukup i Gereja ras isekolah, tapi si utama kal eme i rumah, sebab kerina i mulai rumah nari. Emaka si jadiken rumahta e jadi rumah rohani man anak jabu, ije me siajarken anak e gelah erkemalangen man Dibata, tutus erlajar ras engkelengi kerina tinepa Dibata (nande, bapa, kakak, agi, mama, mami, kila, bibi ras kalak sideban) (kuan-kuanen 1 : 8-9).

Emaka anak-anak ta e pe erdalan ia arah dalan Tuhan, terutama ibas pergaulenna setiap wari, sebab i luar rumah erbage-bage siman kebiarenken. Tapi adi enggo paguh kinitekenna lanai kita ragu, sebab enggo ngasup ia nulak sila mehuli. Dibata tole negasken gelah iketken ibas pergelangen tandu, gelang ibas tan idah lalap, bage me pe kata Dibata e lah rusus i idah anak-anakta ibas kita nari. Sekaligus adi ateta erbahan tindaken inget kata Dibata, gelah tindakenta e simehuli. bagepe bas perdempaken, hal enda pe tetap iidah, janah tetap pikirenta pe simehuli, gelah teridah perbahanen ta si mehuli ibas kegeluhen enda. I suratken ibas binangun rumahndu kerina isi jabu tiap saat keluar masuk kurumah, emaka guna masuk ras ndarat rumah nari enggo i lindungi Dibata. Bagepe ibabo pintu gerbang, hal enda gelah Dibata si ngelindung kota/Kuta ras masyarakat keluar masuk arah gerbang e erbahan si mehuli, ras ngelakoken simehuli idahna lambang torat ibabo pintu gerbang e maka mbiar ia erbahan sila mehuli. Bagepe ndarat ia arah pintu gerbang e, mindo ia gelah Dibata sinemani perberkatna kuja saja ia berkat, maka mulihka kari alu mejuah-juah, sebab lambang torat ibabo gerbang eme Dibata singarak-ngarak, perberkat ras permulihen

(4) Arah themanta sendah ngajak kita perbapan gelah tetap jadi guru/teladan nandangi anak-jabunta. Lanai perlu kita main-main/ menyia-nyiaken waktu nta nandangi jabu guna ngajar ken kata Dibata. Sebab nina pepatah “kecil teronja-onja besar terbawa-bawa” artina adi sejak dini si ajarken anak-anakta maka seh ia dewasa tetap pagi ingetna kai siajarken e. Emaka kata Dibata e enggo jadi model na ndalani kegeluhenna. janah enggo banci ia mbedaken sijahat ras siSelamat jadi guru rohani

Salam

Pdt A. Brahmana S.Th (0813 17054961).