Supemen Bimbingen PA Mamre tgl. 8-14 Maret 2015, Ogen: Kejadin 33:4-17

• Mamre ngasup erbahan perdamen bagi Jakub ras Esau ibas persoalen si pelik

1. Bas kalak karo si nai lit sada sumpah:tek-tek ketang, Ersumpah ia ersada pagi ketang enda maka mulih kita ersada. Hal enda ibelasken na sangana la rubat ersenina, tahpe erturang. Janah biasana maka banci sienda jadi erkiteken pembagin harta tading-tadingen orangtuana. (Nina bibi tua nai man bangku bapana, nini bulangku enggo ersumpah tek-tek ketang, emaka nina bulang, ia lanaibanci jumpa ras sembuyakna i tanah karo, bagepe anak-anakna lanai banci ku kutana). Hal enda erkiteken pembagin harta tading-tading orangtuana, emaka nini bulangku lawes ku jahe2 nadingken kuta, anak-anak pe la sada pe mulih ku kuta e. Nginget pedah orangtuana, tapi aku engo kuje. Bagem kepeken nai adi enggo erbulawan sada ras sidebanna, maka ergan harta asa perkade-kaden, luar biasa kal adi hal enda tetap denga jadi bas kalak Kristen, bagepe man mamre  
2. Esau ras Jakup dua sembuyak, tapi diantara ia pelit persoalan emaka enggo seh dekahna kalak enda lanai jumpa (sidauhen kuta). Esau ikanaan sementara Yakub i mesapotami. Duana enggo metua ras sama-sama enggo lit sinusurna. Sewaktu kalak enda pisah eme erkiteken pemere Bapana soal pasu-pasu seharusna man Esau tapi ibere Ishak man Yakup, aminna gia enda rancangen Dibata tapi Esau merawa ras Yakup mbiar, labanci lang harus pisah negara (Kej 27: 1-41). Emaka erkiteken antara Yakup ras Laban mamana pe enggo ka lit sitik hal-hal silanai mehuli, tentuna menyangkut harta ka, emaka Yakup ersura-sura mulih ku kanaan jumpa seninana Esau (Kej 31: 4-7). Hal enda labo gampang sebap nginget permusuhun sinai tentuna hal pasu-pasu sini isusurken Ishak. Tapi lit perintah Dibata nandangi Yakup: emaka nina Tuhan bana, “mulihlah ku taneh bapandu, ku keluargandu. Aku ras kam” (Kej 31 : 3). Dibata pe la atena permusuhen e tetap seh ku kesusurenna, emaka sangana nggeluh denga ia duana (Esau ras Jakub) harus mulih gelah banci erdame, bage pe gelah ibas ia dame e isaksiken kerina ndehara ras anak-anakna. sada hal si mehuli i rancang Dibata nandangi Jakup bage Esau sebab Dibata merancang ia duana tetap nggeluh bas dame.
3. Adi si perdiateken strategi Yakub sehkal ulina gunanjumpai senina na, tehna maka ia nge ndube erbahan salah nandangi, Esau sikin Esau nge i suruh bapana erburu gelah ndatken pasu-pasuna, tapi Yakub siuruh nandena (Kej 27 : 1-46). Emaka Yakub menaken peranan man Esau, mungkin Yakub mbiar njumpai Esau emaka i pakena strategi e (Kej 33:1-3). Jakub nembah mungkuk 7 kali, luar biasa perbahanenYakub, sadar ia salah man Esau, tapi Esau ngalo-ngalo seninana alu ndakep isa ras ie maina, tangis ia duana (33:4). Janah Jakup ngaloi Esau Tuan, i peteruk na bana i lebei-lebei Esau bagepe kerina keluargana ikut erjimpuh nembah i lebei-lebei Esau (ay 6-7). Jakup mindo perkuah ate Esau, e mindo perkuah atendu, tuanku (ay 8). Tetap Yakub meteruk rukur nandangi seninana. Tapi senina Esau langaloken kai si tawarken Yakub sebab ia pe enggo bayak, sebab tading-tadingen Ishak pasti enggo man bana. Janah siluarbiasana nina Yakub “ Ndidah ayo ndu saja bali kuakap bagi natap ayo Dibata,perban ulina perbahanenndu man bangku (ay 10b).
4. Hal sini ilakoken Yakub merupaken sada simehuli, ia sendiri lebih mendahuluken gelah banci erdame. Istilah sigundari : yang waras yang mengalah. Kita pe mamre anak-anak Dibata i tuntut tetap nggeluh ibas perdamen, sebab Yesus enggo ndameken kita ras Dibata, lanai lit permusuhen diantara kita, baik ersenina, erturang, erkalimbubu, sembuyak, anak beru bagepe ras kak sideban. Dame itu indah, indah itu berdame, ula siciptaken permusuhen diantara ciptaan Tuhan. Sebab ibas kita erdame ras kerina ciptaanNa:

1. Malem ateta
2. Enterem teman
3. Ipasu-pasu Dibata geluhta
4. Kujape kita la mbiar

Adi senang siakap ibas kegeluhen enda ma e kin situhu kinirajan surga e. Enda lang doni denga pe kita ngituh siakep kerina imbang, kujah imbang, ku je pe imbang, emaka lanai sada pe temanta meriah.