Suplemen PA Mamre Tanggal 1-7 Maret 2015, Ogen Kejadin 50:15-21

• Mamre meteh perbahanen Jusup man senina-seninana, Mamre ngasup memutus matarante kekerasen 

Lit 3 alasen engkai maka senina-senina Jusup mbiar ia Jusup balas dendam eme:

1. Perban Jusup cian ate senina-senina selama ia ras bapana (Kej 37 : 5,8)
2. Jusup idabuhken ku sumur waktu Jusup ndahi senina-senina ku mbal-mbal (Kej 37:20-22)
3. Jusup idayakenna man pedagang-pedagang Mesir (Kej 37 : 27-28)

Janah Jusup lit kuasana guna ngukum senina-senina sebab ia penguasa i Mesir kaipe nina wajib i dalanken. Janah megati kange hal enda pe terjadi i tengah-tengah kegeluhenta kalak karo, adi enggo lanai lit orangtua lit muncul ibas jabu anak-anakna lanai siangkan sada ras sidebanna. Rubat ersenina ras erturang, piah lit deba enggo siadun ku penegak hukum erkiteken tading-tadingen orangtua (penadingken orangtua banci turah perjengilen). Wajar nge senina-senina Yusup rukur bage, erkiteken perbahanenna selama enda.

(2) Tapi Yusup si enggo i percayaken Raja Mesir sebagai wakilna berbeda perukuren. Iteh nange kuga perasaan senina-senina arah perkatan man bana : Alemilah salah senina-senina ndu asum ibahanna silamehuli man bandu (ay 17). Megiranan sibagenda erbahanca Yusup merasa sedih. Sebap ia kalak si setia nandangi Dibata, si emaka i berekenna sada penghiburan man senina-senina: Ola mbiar labo banci aku jadi gancih Dibata ngukum kalak. Jahat sura-surandu man bangku, tapi enggo i salihken Dibata e jadi simehuli, gelah arah e banci i selamatken Dibata kesah nterem kalak singgeluh dengan gundari (ay 19). Luar biasa pengakun Yusuf nandangi senina kerina, sebab alu tegas i kataken na maka lalit hakna guna ngukum, sebab i gejapkenna maka arah kai sini ibahan senina e ia i pake Dibata jadi penyelamat manusia ibas bahaya kelaperan nari. Janah i tambahina nina : Aku pekena kena kam ras anak-anak ndu ( ay21a). Tentuna arah kata-kata enda mpeteguhi pengarapen senina Yusup, sebab adina ndai Yusup balas dendam maka masap me keturunen Abraham, Ishak ras Yakup.Sebab wajarnge i kernepken ia kerina adi i inget-inget perbahanenna man Yusup. Tapi Yusup la erbahan tindaken sie, sebab arah kai sepernan terjadi. Sibenci dibuang dan di jual. Arah enda kepeken cara Dibata guna nyelamatken nterem kalak arah Yusup.

(3) Bagenda me mamre/perbapan GBKP idilo Dibata gelah banci tetap erdame labo perselisihen sada ras sidebana, apaika diantara kita ersenina erturang. Sebab lit denga siidah kenca enggo lawes oranagtua (bapa-nande), terjadi rusur perubaten, emaka lit nge sirang ersenina-erturang gara-gara harta. Adi lit senina tah turangta labagi ukurta siendesken man Dibata, sebab kit enggo i tetapken jadi jurudame, aminna gia lamehuli perbahanenna man banta ula kita dendam tapi bahanlah simehuli siteh maka kerina silit enda bekas pemere Dibata. Yusup i dayaken, i penjaraken tapi ia tetap megegeh ibas Tuhan, la ia nggit terbawa keadaan., tapi tetap iamehuli, jujur, setia, ertanggung jawab. Emaka Dibata si mereken simehuli man bana, bahkan jadi penguasa i negeri Mesir, ras pe nelamatken nterem kalak. Ialokenna seninana gua ialit, la subukina perbahanen si jahat, tapi balasna alu perbahanen si seh kal ulina(lalit dendam diantara ia). Kita pe harus erbage kepe nandangi kalak si labagiukur, sitotoken gelah Dibata si peangkaken sura-surana man kalak si rate cian tah nembah man banta. Perbahanensi mehuli eme merupaken tujuan geluhta. Emaka si mulai ibas sikitik nari lebe maka ku simbelinna.

Alu enda kita sebagai mamre harus.

1. Ngaloken kalak senina, turangta kuga ia lit na
2. Ula kal ateta segat nandangi kalak sideban, sebab lit salah kalak, tapi inget kita pe lit kange salah lepakta.
3. Labanci dendam diantara kita, sebab membalas eme hak Dibata
4. Inget “lepak-lepak jelma lit denga kebujurenna, bujur-bujur jelma lit denga kelepakkenna”
5. Kita harus meyakinken senina, turang ta gelah ku Dibatalah tetap ernalem doni enda i tadingkennge
6. Jadilah kita menyelamatkenjelma sienterem
7. Peturah kemalemen ate sibenaken ijabunta nari, inganta erdahin, inganta erbinaga bagepe i pergaulenta.

Pdt A. Brahmana S.Th (0813 17054961)