Suplemen PJJ : Ulangan 28 :1-8 ; Tgl 25-31 Agustus 2019
Ogen : Ulangen 28:1-8
Thema : Tuhan Masu-Masu Kam
Entrepreneurship :kesejahteraan, kesehatan, lingkungan
1. Bangsa Israel nandangi seh itaneh perjanjian, si enggo ipadanken Dibata man Abraham, Ishak, Jakup bagepe man kesusurenna sideban she asa gundari. Janji e I penuhi Dibata nandangi umatNa, alu sada perpadanenNa man anak-anakNa:
Adi ikutkenndu Tuhan Dibatandu dingen alu tutus ipakendu kerina perentah-perentahNa si kubereken sendah man bandu, ibahanNa kam jadi bangsa si mbelin asang bangsa-bangsa si deban ibabo doni enda, ay 1. Hal enda iulihi Musa kai si enggo pernah I katakenna ulangen 6:1; imamat 23:3.
Memang Dibata la ateNa umatNa ngelupaken kais i enggo iajarkenNa, gelah bangsaNa tetap ndatken pasu-pasu jadi bancika jadi sumber pasu-pasu, bagi janjiNa man Abraham kej 12:3. Janah kitape she wari enda sigejabkennge maka Dibata tetap mereken pasu-pasu e man anak-anakNa. Janah setia ndalanken kinitekenna maka terus diberkati, i pasu-pasuNa
2. Uraian Teks
Natsta enda eme bahagian kita torat sini itulisken Musa, janah kitab ulangen eme mengulang kais i enggo ituliskenna, bas kitab si deban diantara 5 kitabna. Emaka sekali enda iulangina hal-hal si terpentingkal eme kerna uga umat-umat pagi adi enggo seh I taneh perjanjian e, maka adi ndatken pasu-pasu ibas Tuhan nari, si labancii lang e harus ngikutken kerina kai si enggo iperintahken Tuhan. Emaka lit 5 hal sini tegasken Musa man Israel, bage banta.
Nina Musa : ikutkenlah Tuhan Dibantandu maka :
a. Tuhan masu-masu kata ras juma
b. Tuhan masu-masu kam, maka kam ertuah, bayak, enterem pupusndu, melala pagendu, melala lembundu ras biri- biri ndu
c. Tuhan masu-masu pendahinndu
d. Tuhan naluken kerina musuhndu adi i perangina kam. (menang melawan musuh)
e. Tuhan masu-masu pendahindu, ras ndemi lumbung-lumbungndu alu gandum, I pasu-pasu na kami bas negeri si iberekenna.
Me luar biasa kal kuga perbahanen Dibata e nandangi kalak sitek ras ndalanken perentahNa, ipasu-pasuNa, pendahin, kesusuren, kemenangenta ngelawan musuh-musuh, bagepe jumanta I pasu-pasuna, berkat mengalir terus.
3. Sekali enda si man cakapken eme, kuga kita sebaagai kalak si tek, ija kita enggo I pasu-pasu, namun megati Ia si perdiateken arah kai si lakoken kita baik arah usaha bagepe pribadi eme soal : Kesejahtraan, Kesehatan, ras Lingkungan. Arah kai sidat maka ula kel kita mengorbanken kalak sideban, janah kesejahtraanta enda pe min bancika kita berbagi nandangi kalak si deban. Bagepe harus kange sijaga kesehatenta, sebab megati perban sejahtra kita lanai sijaga dirinta, kesehatenta, bage kesehaten kalak contohna : erbinaga narkoba kita. Sidat sen tapi sakit kalak ras lingkunganpe membenci kita. Emaka arah kai ibereken Dibata man banta, gelah banci sigunaken guna mpermuliaken Tuhanta
¾ Kalak si setia man Dibata, ipasu-pasuNa
¾ Kalak si I pasu-pasuNa, harus njaga kesehaten ras lingkungan
¾ Lit min nanamna arah kais i lit ibas kita e man kalak sideban.
¾ Kalak sitek wajib njaga, lingkungen, ras kesehatan dini bagepe lingkngan gelah sehat kita, kalakpe sehat sideher ras kita
¾ Berkat melimpah wajib berbagi buat sesama.
Selamat PJJ
Pdt Andarias Brahmana
Ketua Klasis Jakarta-Kalimantan.
