Suplemen PJJ : Matius 18 : 23-35 ; Tgl 11-18 Agustus 2019
Ogen : Matius 18: 23-35
Thema :
Hut Kemerdekaan RI 74 Tahun
1. Pitu puluh empat tahun negaranta enggo merdeka, janah enggo me melala kai enggo ibahan Pemerintahta, gundari si idah baik i Jawa bagepe luar Jawa pembangunen enggo banci inikmati masyarakatta, contohna erga bbm enggo seri kerina baik i Papua, bagepe kawasan Timur Indonesia pembangun cukup hebat. Karya pemerintahan 5 tahun terakhir enda cukup merata.
Namun lit piga-piga hal si perlu denga iperbaiki eme : tetap denga lit ott (orang tertangkap tangan) KPK piga-piga pejabat public ketangkap tangan. Bage pe pemberantasan narkoba lenga banci tertuntasken, emaka enterem denga ketangkap : pembuat, pemake, pengedar kena oprasi (tertangkap) Polisi. Tapi i percaya adi kalak Kristen banci mencoba jadi penyampai suara Kenabian, janah orang Kristen la korupsi, kalak Kristen la pembuat, pemakai, pengedar narkoba, e luar biasa kal dampak si mehuli. Gundari 74 tahun kai naringe ndia si perlu pehuli ibas ngisi kemerdekaanta enda, tentuna kita sebagai warga GBKP tetap si jadi suara Kenabian bas kegeluhen wari wari.
2. Arah teks alkitab ta enda eme sada perumpamaan ibahan yesus man Ajar-ajar bagepe jelma sienterem, termasukpe man banta, ija banci siidah alur ceritana:
a. Raja, idona bas sekalak jelma (A) erjuta juta
b. Jelma si A lit ka idona bas si B piga piga ribu
- Duana si puna utang e nagih idona man perutangenna.
- Duana ka si rutang e erjimpuh mindo gelah itimaina lebe
- Raja e nuruh gelah ndayaken kerina ertana ras dirina (man si A)
- Si A nangkap ras ncekak, ertina cara kekerasan banna
- Raja e mehuli, sebap enggo sadar maka labo tergalarina, maka isasapkenna idona si erjuta juta e.tapi si lit idona hanya ribu-ribu e keras banna man bana
Ia la sadar maka utang na jutaan enggo lunas, tapi idona ribu I tagihna alu cara kekerasan. Endam gelarna tidak tau di untung la ngataken bujur, lalit ibas ia keleng atena nandangi sesamana. Endam gelar na ngalo ngenca tena, eme bagi kuan kuan, sip-sip paketeng, adi ido mbelang cuping na, merawa ia, tapi adi utang perpasek-pasekna bana.Emaka kai si ibahan si A nandangi si B, ilaporken kalak ku raja si enggo nasapken utang na ndai.
Emaka Raja nuruh si A ngadap man Raja nina raja kam kalak jahat utangndu enggo ku sasapken emaka kam pe harus mekuah atendu man teman-teman ndu emaka merawa raja janah I penjarakena juak-juakj si A
3. Hal enda eme kuga Jesus sebagai juruslamat enggo nggalari utang dosanta arah ia nggit i kayu persilang janah ia rela berkorban untuk kita tapi megati kita si enggo i alemi salahta, tapi kita la ka nggit ngalemi salah temanta tiap pulung si belasaken Pertoton Tuhan alemi min salah ku bagi aku ngalemi salah kempak aku tapi kinanta uga sabap seh ngundari enda kita kalak Karo dendam ermusuhen denga nandangi keluarganta erturang, ersenina. Berlaku denga kuan-kuan Karo : La ateku sada matawari, tahpe gelarna e pe teku lang. Enggo 74 Tahun merdeka ndai tapi megati kita lenga merdeka, tapi bagi kalak ijajah.
Bagepe enggo puluhen tahun kita jadi kalak Kristen, tapi perlagu langkah, caranta rukur ras bertindak tetap bagi siadi. Kai ertina Yesus enggo memerdekaken kita ibas dosa nari, harusna min meriah kal ukurta adi enggo kita merdeka ban Yesus, enggoka kita merdeka ibahan para pejuangta, emaka ula si sia-siaken kini latihen para pejuangta guna ngerebut kemerdekaan enda, ise kita enggo bebas bagepe secara kiniteken warga gereja maka kita pe la menyia-nyiaken kai si enggo ilakoken Tuhan Yesus nandangi kita (Yoh3:16), lanai sia-siaken darehna si enggo mambur guna kemerdekaan secara hukumen dosa. Merdeka Negara, merdeka kita tapi terus berjuang, terus berperang melawan kebodohan, narkoba ras korupsi. Merdeka secara iman harus terus berjuang melawan ke munafikan, melawan kebodohan dan melawan kemaksiatan. Isi dan lanjutkan kemerdekaan, dan janganlah bermusuhan, ertemanlah, si alem-alemen salah lah kita, lalit inganta adi si imbangen kita. Utangta enggo ilunasiNa (isasapkeNa), emaka ka kitape ngasup sialemen-alemen.
Pdt Andarias Brahmana
Ketua Klasis Jakarta-Kalimantan
