Suplemen PJJ : Mazmur 119 : 57-64 ; Tgl 03-09 Februari 2019

Ogen : Mazmur 119: 57-64

Thema : Padanku Ngikutken Perentah-Ndu

 (Konfesi GBKP: Alkitab)

Masmur 119 enda nuriken kerna pemahamen pemasmur kerna undang-undang Dibata. Menaken ayat 1- 176 pemasmur nuriken uga pentingna undang-undang Tuhan e man bana. Undang-undang Tuhan e seh kal pentingna man bana. Engkai? Erkiteken e menyangkut dirina jine, menyangkut keselamatenna, kiniulin geluhna. Iturikenna pe alu jelas: Adi kerina undang-undangNdu kuperdiateken, emaka la aku ijuruken (ay. 6), Kuga banci anak perana njagai geluhna maka la erpandangen? Eme alu ngikutken kataNdu (ay. 9), Bahan maka kuerti dingen kupatuhi undang-undangNdu, sebab ibas matuhisa dat aku kemalemen ate (ay. 35), Ibas ngikutken perentahNdu jumpa aku kemalemen ate (ay. 47), O Tuhan, kuinget undang-undangNdu …, emaka terapul aku (ay. 52).

Tentuna enda reh arah pengalamen pemasmur nari. Adi rembak ia ras undang-undang Dibata maka jumpasa kemalemen ate, perdalanna la lalar, ras dikune jumpa ia perbeben datsa pengapul ibas undang-undang Tuhan nari. Alu kesimpulen si gendek, itehna kai gunana kata Dibata e man bana, man geluhna ras man masa depanna. Emaka la kita heran ibas ayat 57-64 (si jadi bahan perikopta) teridah uga kal ngenana atena nangdangi Tuhan ras Undang-undang Tuhan e:

-          Kam ngenca ateku (Ind. Bahagianku ialah Tuhan) (57). Nggo bias kapna Tuhan saja sikerajangenna.

-          Alu mesek-sek mindo aku man bandu … (58)

-          Alu lanai alang-alangen minter kuikutken perentah-perentahNdu (60)

-          Kerina kalak si nembah man baNdu, eme temanku … (63)

Adi labo lit ngaruhna kai pe man bana la mungkin turah sada komitmen si mbages, si serius ibas ia nari ngelakoken ras matuhi undang-undang Tuhan.  Alu bage lit piga-piga si banci si pelajari arah perikop enda terkait tema PJJ tentang Alkitab

1.      Kesadaran pentingna kata Dibata

Sada penelitian yang terkesan konyol ilakoken piga-piga mahasiswa i Amerika. Ia meneliti 100 kalak si rajin ngoge Pustaka Si Badia, lit piga-piga kesimpulenna: Pemena, kalak si rutin ngoge pustaka si Badia80 % memiliki kesehatan jantung yang baik. Si peduaken, 90 % tingkat kepuasan seks terhadap pasanganna lebih tinggi dibandingkan dengan mereka yang tidak membaca Pustaka Si Badia sama sekali, sehingga rata-rata setia nangdangi pasangenna. Si peteluken, rata-rata memiliki etos kerja yang baik ibas inganna erdahin masing-masing.

Tentuna penelitian enda masih perlu nge iteliti lebih lanjut alu metode ras variable si lebih luas guna mendapatkan kesimpulan si lebih valid. Namun, arah data enda pe banci si tarik sada kesimpulan bahwa mbelin kal efekna ngoge Pustaka Si Badia ku bas kegeluhen kalak si ngogesa. Ngoge Pustaka berarti kita sedang memperbaiki diri, mengoreksi diri alu bage mabai kita ku bas perbaikan diri wari lepas wari. Kuukuri lagu langkahku, dingen erpadan aku matuhi aturen-aturenNdu (59). Kalak si lalap erlajar nge si banci reh jorena bas kegeluhen enda.

Gelah banci kita berkomitmen bagi pemasmur, hal mendasar si perlu eme si “teh” bahwa keberadaan Pustaka Si Badia eme guna kepentingenta sebagai umat, demi keselamatenta. Adi enggo si teh kai gunana ras kai untungna banta maka lanai bo terpaksa ngoge ras pulung sebab si teh bahwa pelin-pelin untung man banta si ngogesa. Kesadaran e nge perlu terus i peturah ibas diri umat.

2.      … Doni enda dem alukeleng ateNdu si tetap, emaka ajarilah aku undang-undangNdu (64).

Sada pengakun kiniteken (konfesi) pemasmur bahwa doni enda dem alu kiniulin Dibata. Pengangkan enda labo turah bage-bage saja. Pengakun enda lahir ibas pengangkan si payo kerna ise kin Dibata ras doni enda. Doni enda ras kerina isina adalah pencerita kiniulin Dibata. Enda sada tingkat kiniteken si enggo mbages adi seh ku bas pengangkan si bagenda rupana, sebab ia lanai ngidah terjeng manusia sebagai pusat seluruh ciptaan namun manusia bersama-sama dengan seluruh ciptaan lain adalah narator si nuriken kiniulin Tuhan (Bandingken pe ras pokok-pokok Pengakun Iman GBKP hal. 7 tentang Alkitab)

Uga maka banci sitandai Dibata alu payo? Uga carana maka si tandai dirita ras batas-batas kemanusiaanta? Dalanna hanya ngoge undang-undang Tuhan eme Pustaka si Badia. Alu ngoge Pustaka reh ulina kiniteken, reh jorena cara kita bersikap sebagai manusia kempak ciptaan Dibata si deban.

Penutup

Martin Luther sang reformator ibas telu slogan reformasina pe menekankan uga pentingna Alkitab ibas kegeluhen kalak si erkiniteken. Sola Scriptura, kita iselamatken oleh firman Tuhan. Kita nandai Dibata ras iselamatken alu ndalanken pedah Dibata. Arah uraian enda kerina banci si antusi uga pentingna kecibal Alkitab (undang-undang Tuhan) ibas kegeluhenta selaku kalak Kristen. Emaka bagi pemasmur kita pe banci mereken sada komitmen “ngikutken Undang-undang Tuhan.”

Pdt. Neni Triana Sitepu

Runggun Cisalak