Suplemen PJJ tanggal 21-27 Februari 2016, ogen I Korinti 3:8-11
(I Korinti 3:8-11)
1. Surat Rasul Paulus sipemena man kalak Korinti enda itulis erkiteken lit turah persoalen-persoalen kerna kegeluhen ras Kiniteken kalak Kristen ibas gereja sienggo ipanteki Rasul Paulus. Persolaen-persoalen silit eme kerna perpecahen ras Lagu langkah silamehuli silit ibas perpulungen, kerna lagu langkah perjabun, aturen-aturen perpulungen ras sidebanna.
2. Kota Korinti eme kota si maju ibas bidang ilmu pengetahuan maka ibas perpulungen kalak kristen pe enterem nge si berinteleketual tinggi, sienda me si melatar belakangi litna turah persoalen ibas perpulungen e siterbagi kubas 4 kelompok eme :
- Kelompok Paulus nggelari dirina alu kelompok Libertin si menekanken kemerdekaan. Ibas pemahamenna kelompok enda banci ngelakoken kai pe bagi atena ngena, padahal ibas pengajarenna Paulus sendiri menekanken gia enggo lit kemerdekaan si ilakoken kalak e ibas Kristus erkiteken penebusen Kristus i kayu persilang maka la banci lang kalak e arus tetap ndalanken tanggungjawabna ibas ndalanken kewajipen moral.
- Kelompok Kefas. Menekanken hukum taurat si arus idalanken alu sempurna dingen kelompok enda me si bertentangen ras kelompok Paulus erkiteken kelompok enda sendiri buen ibas kesusuren kalak Jahudi nari.
- Kelompok Apolos eme kelompok si sangat tertarik nandangi pengajaren Apolos. (Apolos sendiri eme kalak kaak Jahudi i Alexandria nari, ia sekalak si hebat erfilsafat ras menafsirken kitab suci alu pandangen fisafat Yunani klasik Perb 18 : 24 – 28).
- Kelompok Kristus, si menganggap dirina lebih asangken kerina kelompok si lit, janah lebih menekanken hubungen ras Kristus secara pribadi, bali ras pengalamenna ibas ersembah man dewa – dewa
3. Khusus ibas Bahan-ta sendah Raul Paulus ngerana kerna: “Serayan Dibata”. Majekken kula Kristus labo masalah ise sinuanca, ise simpeturahsa rsbna. Guna sie me Rasul Paulus mbahas kerna persadaan enda. Pesan sentral surat enda eme maka Kristus sijadi palas ibas majekken kula Kristus.
4. Adi sibayangken kai siterjadi ibas perikop enda, terjadi ibas kegeluhenta, tah itengah-tengah perpulungenta, itengah-tengah keluarganta, masyarakat ras seterusna tentu bakal terjadi perpecahen?? Adi masing-masing iakapna ia sibenarna, sihebatna, sibeluhna, sibadiana ras nganggap maka kalak sideban labo kai pe.
5. “Aron Dibata”, banci pe sibandingken ras aron kujuma , aron kujuma eme:
- Persadan piga-piga kalak(biasa anak perana singuda-nguda atau nande-nande ras nande-nande) erdahin ras-ras alu pindah ijuma si A nari kujuma si B rstna. Kerna juma ise lebe idahi enda rikutken kesepakaten bersama.
- Anggota aron enda, labo harus seri kerina gegehna tah seri beluhna, labo ka saling menyalahken tapi lit ije saling menerima, kuga teman litna. Man jagan gelah ola bagi aron sisiwah.
- Aron (Baca:Ersada) mereken keriahen ibas erdahin sabab lit teman ngerana-ngerana (Kuan-kuan: Raga-raga pernantin, ngerana ngerana janah erdahin). Ibas ndahiken dahin e banci beda hasilna 8 Wari Sekalak ndahikenca asangken 1 Wari 8 Kalak ndahikenca, belangen bekasna 8 kalak ndahikenca ibas sada wari.
This email address is being protected from spambots. You need JavaScript enabled to view it.
