Suplemen PJJ tanggal 18-24 Oktober, Ogen I Tesalonika 2:9-19

Ogen        : I Tesalonika 2:9-19
Tema        : Kam kemegahenku ibas Yesus

 

1. Nai orangtuanta rusur ngataken “kam me kemegahenku nakku” emaka ula kel sia-siakenndu kai si kuajarken man bandu, janah dalankenlah kerina simehuli aminna ijapape kam tading”.
Megahkin iakap orang tua adi anak-anakna bagi ukur dingen banci ka min sukses ibas ndalani kegeluhen ibas doni enda. Guna sie maka anak-anak pe terus ia berjuang gelah tuhu-tuhu kal jadi bagi kai siniarapken orang tuana. Kemegahen merupaken hal siniiarapken kerina jelma. Emaka biasana adi ikataken kemegahen eme erpalasken perbahanen, sikap hidup (sukses bas jabu, sukses bas pendahin, sukses bas masyarakat). Ertina lalit kai pe pandangen siniidalankenna itengah-tengah kegeluhenna, jadi ate kalak rusur adi jumpa ras ia, janah adi ngerana ia terobati akap kalak pusuhna.

2. Rasul Paulus sebagai rasul enggo ndahiken dahinna alu tutus, tapi lakabo sitik hal-hal si erbahanca sedak akapna. Megati reh arah ranan bagepe perbahanen kalak. Megati ning kalak Paulus cari keuntungen, cari popularitas ras sidebanna. Sementara penjara merupaken bahagian bas ndalani kegeluhenna. Erkiteken si e Paulus neh piga-piga penjelasen tentang dirina man jelma sinterem eme :

a. Kelatihen kami, payo Paulus ras temanna tidak pernah kenal lelah ibas meritaken BSM,   suari ras berngi, las la tampil las,udah la tampil udah, kerina enda demi Kristus si enggo milih ia.

 

b. Erdahin ia erbahan tenda : hal enda ilakokenna gelah ula jadi beban man jemaat siniilayani. Emaka ia labo pernah kal berharap nandangi jemaat aminna gia lit nge hakna.

 

c. Paulus mindo man jemaat sebagai saksi ibas ia ndahiken dahin BSM e, maka labo lit silakokenna guna kepentingenna tapi kerina kepentingen Yesus. Paulus  erkeleng ate nandangi jemaat, emaka tetap ia pergegeh aminna gia ia lanai megegeh secara fisik, tapi rohani tetap kuat.

 

d. Keteladanan icidahkenna man jemaat, emaka tetap ia ngajak jemaat gelah ndalanken kai singena ate Dibata bas kegeluhen. Sebab Paulus bagepe ras perpulungen eme bekas pemilhen Dibata kerina guna si e maka harus ndalanken kai si I perintahken TuhanYesus e nge harus ilakoken.

 

e. Sukacita Paulus eme, ija ia meritaken BSM maka jemaat setia megikenca, maka sienda  jadi sada kebanggaan man Paulus. La pernah igejapkenna ceda ate arah jemaat e aminna gia lit rusur ancamen arah penguasa bagepe kalak Jahudi (ahli taurat)

 

f. Paulus mujiken perbahanen perpulungen Tesalonika erkiteken perpulungen enda amiina gia kitik ras pe la ka bo perpulungen si ekonomina mapan, tapi tetap ia ikut muat bagin guna nampati perpulungen I Yudea. Paulus ras perpulungen la atena malem adi la kin inanami jelma sienterem kai siinanamina. Berarti ia bagi orang lain(susah melihat orang susah) emaka ibuatna baginna guna ngangkat derajat, martabat jemaat-jemaat sideban.

 

g. Ibas ndalani kegeluhen kiniteken me kepeken, la kepe  terlepas ibas hambatan/kiniseran. Memang lit saja kin rusur sir eh ibas kalak sideban nari, terutama tanggapen negative, labo positif, emaka ikecewakenna atena kita ras bagepe megati ka igiringna atena gelah nadingken BSM e.

 

h. Penghambaten demi pengehambaten terus berlangsung. Seh pe gundari lit denga nge lalap manusia-manusia labo atena berkembang BSM e, tapi nina Jusuf Roni “Dihambat tetap merambat”. Injil/BSM e labo ise pe ngasup hambatsa aminna gia ibunuh kalak Jahudi Yesus bagepe enterem perberita simeriah I korbanken, tapi injil terus meluas ku seluruh dunia enda.

 

3. Kita me kemegahen Tuhan Yesus, emaka kai si enggo sipadanken sebagai kemegahen Kristus harus si jaga alu mehuli. Baik ibas jabu-jabunta bagepe itengah-tengah lingkungen masyarakatta, ija saja kita itempatken Kristus.
Sebagai kemegahen harus kita kerina ngasup ndalani geluh alu :

a.    Tutus erkiniteken, gereja, PJJ, PA-PA
b.    Tutus nampati kalak arah buatenta lit
c.    Neh persembahenta ku Dibata arah persembahen-persembahen, persepuluhen, bagape pembangunen siniilakoken Gerejanta ras sidebanna
d.    Ersaksi arah pendahin
e.  Lanai pernah erbahana tondel ukur kalak nandangi kita, bagepe la kita menciptaken kelompok-kelompok itengah-tengah perpulungenta.
f.    Meriah siakap katawari pe erkiteken persadanta ras Kristus Yesus (pilipi 4:4)
g.    Erdahin alu tutus, janah hindari dahin si la ngena ate Dibata
h.    Laksanaken ibadah bas jabu-jabunta
i.    Hadirken Dibata di setiap masalahta, janah babai anak-anakta pe ras isi jabunta gelah Dibata banna penggurunna.

Salam,
Pdt. Andarias Brahmana
081317054961