Bimbingen Pekan Penatalayanen Wari I, Epesus 4:1-7

Invocatio :

1 Petrus 2:9

Ogen :

Pilipi 2:1-4

Tema :

KITA KAP ARON DIBATA

 

Perpulungen kekelengen Tuhan, tema pekan pekan penatalayanen wari pemena e me: Kita Kap Aron Dibata. Rikutken perikop si terbuat ibas Epesus 4:1-7. Kitab Epesus enda terbagi menjadi 2 bagian, eme (pasal 1-3) ngerana kerna doktrin kristen ras bagin kedua (pasal 4-6) ngerana kerna hal-hal praktis ibas kegeluhen kristen. Ibas bagin si peduaken enda, Paulus menegaskan perpulungen bahwa karya keselamaten si enggo ialoken seharusna irespon alu nggeluh ibas kegeluhen si mbaru si la bali ras kegeluhenna sope lenga nandai Dibata. Maka hal enda teridah min ibas pengerana ras pe perbahanen perpulungen ibas kegeluhenna.

 

Nggo ndai si baca ibas Epesus 4:1-7, Paulus ngatakensa maka ia selaku kalak si nggo jumpa ras Dibata lit sada perubahen ibas kegeluhenna, eme kegeluhen si rikutken kata Dibata. Ibas ayat 2, ikataken paulus bahwa meteruk min ukurndu, lemah lembut dingen saber. Ola kam pergelut sapih-sapih kam, erkiteken kekelengen si lit i bas kam. Hal enda tuhu-tuhu igejabken Paulus, bahwa lalit tujuan geluhna si terbelinen asangken pebelinkan berita si Meriah nandangi kalak si deban.

 

Tentu nggo pernah si begi latar belakang sekalak Paulus, bahwa ketika ia tuhu-tuhu jumpa ras Dibata, ia memiliki pola dan tujuan hidup si berbeda dari sebelumnya. Isuankenna bas pusuhna bahwa memang selaku kalak si tek nandangi Dibata, dahinna eme pebelangken berita e ku kerina jelma. Ibas ia ndahiken dahin e, ia harus memiliki sada gaya hidup si mejile si banci erbahansa kalak heran entah pe mamang, sebab paksa si e lenga enterem kalak si meteh kuga seharusna selaku kalak si tek. Misalna lanai ia nembeh, tetap meriah ukurna aminna ia itokohi kalak ras sidebanna. Tentuna enda mengundang sada perhatian kalak si nterem.

 

Adi bage kuga dagena kita genduari, enggo nge kita tuhu-tuhu ngenanami jumpa ras Dibata e? Kita pe aron Dibata kap. Sebagai aron Dibata kita pe perlu erbahan sada perubahen si jelas ibas kegeluhenta. Ula kari, tahun berganti tahun, natal pe nggo lanai terbeligai piga kali nggo si dahi, tapi lalit sada pe tekad ibas pusuhta selaku kita pengikut Kristus.

 

Jelas ndai ikataken ola kam pergelut. Seharusna adina tahun si lewat melukah kel kita megelut, tahun enda banci si kurangi piah lanai pergelut. Uga maka banci la melukah pergelut? Ingetlah tetap keleng ate Tuhan man bandu, bagepe nandangi kerna jelma. Adina ibas Matius 18:21-22, ikataken ije bahwa memaafkan seh pitu puluh kali pitu kali. Angka pitu ibas kalak Yahudi, merupaken dianggap sebagai simbol kesempurnaan si berhubungen ku Dibata. Alu bage, ngatakensa lalit alasan nandangi kalak kristen cian ate, nembeh, dendam ras sidebanna, sebab kekelengen si la erkeri-kerin lit ibas ia. Gaya hidup si bagenda pe erbansa kalak terkesan ban banta. Sebab melala kel kerugianna adina kita melukah pergelut, pertama: hidup jarang bahagia, kedua: sulit memiliki teman kompak, ketiga: raut wajah tampak tua; keempat: mudah putus asa – adina nggo putus asa berarti keinginna hidup pe semakin berkurang, bagaimana mungkin untuk bersyukur?

 

Perpulungen kekelengen Dibata,
Selanjutna ibas ayat 3-6, Paulus ngatakensa “Usahakenlah tuhu-tuhu maka persadanndu si ibereken Kesah e tetap irakut alu enteguh i bas perdamen. Adina tuhu-tuhu kin meteruk ukurta, tentu kedamen e pe reh man banta. Engkai? Kedamen lit labo faktor dari luar, ntah tading kita ibas ingan si mejile, rumah si mejile, hotel, ntah kai pe si mejilena. Tapi kedamen e rehna ibas pusuh nari. Adina nggo lit dame ibas pusuh e, maka ija pe kita tading, baju kai pe si pake, meriah nge siakap, apaika adina si pake baju singena kel ateta, tentu menambah kedamen ras pe keriahenta. Emaka melalui ayat enda pe ngatakensa maka, gelah tetap persadanta nteguh, harus rusur si periksa pusuhta. Bagi ndai nina bas ogenta ibas pilipi: ersada min arihndu, sikeleng-kelengen kam, ersada min geluh dingen ukurndu. Ola ibahanndu kai pe erpalasken kerangapen ntah pe meganjang ukur, ola iakapndu ulin kam asangken kalak si deban. Ula keperlundu saja ngenca iperdiatekenndu, tapi perdiatekenlah keperlun kalak si deban.

 

Perlu kel rusur kita mengoreksi pusuhta rikutken kata Dibata apakah masih ia setia atau nggo lebihen kapna ia asangken kalak si deban. Harus kel kita bersikap awas nandangi pusuh bagepe ukurta. Sebab adina sigejabken denga maka erdosa/ersalah, ertina mata rohani berfungsi denga. Tapi adina lanai si gejab bahwa kai sibahan e salah kel, enda me si paling susah.

 

Selanjutna ibas ayat 4-6: Sada ngenca kula, janah sada ngenca Kesah. Bage me pe kam kerina idilo ku bas sada pengarapen. Sada ngenca Tuhan, sada kiniteken, sada peridin; sada ngenca Dibata, e me Bapa kerinana. Ia i babo kerina si nasa lit, si erdahin arah kerina si nasa lit dingen si nggeluh i bas kerinana” Enda me sada pemahamen si universal nandangi Dibata. Dibata labo hanya milik kalak karo, atau kalak Barat. Tapi Yesus enda milik kerina bangsa, alu bage keleng ateNa pe labo saja man kalak Karo, tapi nandangi karina jelma, sebab IA si erbansa kai si lit kerina.

 

Arah ayat enda pe ngatekensa bahwa seharusna kalak Kristen pe tidak membeda-bedaken keleng atena nandangi sekalak jelma. Sebab kerina keleng ate Dibata,lalit alasan si erbahansa kita rubat ras kalak sideban. Pengenalen si mendalam nandangi Tuhan seharusna membawa kita bersifat terbuka dan lebih luwes ras la meganjang rukur nandangi kerina jelma.

Genduari kita me aron Dibata e, si bertugas guna pebelangken berita si meriah e. Emaka selaku aron Dibata, enggo nge lit ukur si meteruk bas kita? Bali nge pengidahta kerina jelma ibas keleng ate Tuhan e? lit nge persadanta?

Me pernah nge siidah kuga kin kalak si lawes aron ndahiken juma. Radu ras ia berkat ku juma, janah radu ras ka ia mulih. Sangana ngadi pe ras ka ia ngadi, ras ka ia man, istrahat ataupe medem ras sidebanna. Si sampat-sampaten ia ibas ia ndahiken dahin e gelah pedas dung. Ije teridah kiniersadan. Tapi rikutken judulta si sendah, maka jadi aron Dibata e, labo saja ngenca harus kiniersadan bagi kalak ku juma ndai saja. Sebabken aminna gia ia radu ras ku juma, banci saja ia sikitiken ukur ntah pe jungut-jungut entah pe pekulah-kulah. Contohna, adina sangana ras e, pesenang-senangna ayona gelah sampatina aku atena bas ukurna. Tapi, adina nggo mulih ku rumah ingetna denga lalap kitik ukurna ndai, piahna jungut-jungut me ia. Ersada memang perdalan e, tapi la ersada ukur. Tapi kiniersadan e arus tuhu-tuhu nggeluh ibas pusuh ras tergejab ibas kerina situasi pergeluh.

 

Selanjutna ayat 7: Man banta sekalak-sekalak enggo ibereken kengasupen si khusus sue ras baginta si patut si ibereken Kristus erpalasken lias ateNa.
Ibas kita ndahiken dahin Dibata enda, Dibata nggo mereken man banta talenta-talenta si berbeda sada ras si debanna. Tujunna tidak lain, eme gelah kita si sampat-sampaten labo gelah merasa si beluhna asangken kalak si deban. Ula lebe kerna talenta saja, manusia sendiri pe iciptaken sebagai makhluk sosial eme makhluk si la ngasup nggeluh sekalak. Manusia e harus bersosial, berteman, berelasi ras kalak si deban. Namun, si terjadi bahwa manusia itu sering sekali melampaui kodratna selaku manusia, asal la iakapna pas entah pe la kapna bagi ukurna kalak si deban, sada matawari pe atena lang.

Perpulungen kekelengen Tuhan, selaku aron Dibata, tugas si man dadapenta seh kal lalana ras membutuhkan ketrampilan si melala. Emaka perlu kal kita raduras guna ndahiken dahin enda. Adina dahin e sidahiken ras-ras tentu latih e pe lanai si akap latih. Selamat menjadi aron Dibata si berkomitmen.  Amin.

Pdt. Andreas Joseph Tarigan, S.Th, M.Div
GBKP Rg. Harapan Indah