Suplemen Bimbingan Khotbah Pekan Kebaktian Keluarga Wari II, Tgl.16 November 2015

1. Surat Petrus  ialamatken man kalak Kristen si merap ibelang-belang bagin Utara Asia Kitik,  Tujun surat e mpegegehi ukur si ngogesa  si sangana iayak-ayak  dingen ngenanami kiniseran erkiteken kinitekenna man Jesus.  Kerina kalak Kristen harus megenggeng  ibas kiniseran, sebab kiniseran e merupaken ujin  kiniteken, janah ise si megenggeng seh ku ujungna (pendungina)  pasti ndatken  rudang-rudang kegeluhen ibas  kerehen Jesus Kristus.   Salah sada pengajaren ibas surat Petrus enda eme mpersingeti manusia maka ia “kesilang” i doni enda gelah ola ngikutken kinigiten daging  si rusur erperang ras tendi.  Sekaligus jadi saksi itengah-tengah kalak si langa nandai Dibata, gelah aminna pe ikataken kalak ia  jahat idahna perbahanena si mehuli, alu bage  ipujina Dibata ibas wari kerehen-Na  ku tengah-tengah kegeluhen kalake.

2. Paulus ngataken  ibas Roma  8:22 Sabap ieteh maka seh paksa si genduari enda kerina si enggo ijadiken Dibata kelsehen ras-ras dingen seh kal akapna suina desken sekalak pernanden si nandangi mupus. Ija igambarken ibas nimai e dem kel kearun ate, sada sisi uga pe suina akap sekalak pernanden si nangdangi mupus   bage ibegina sora anakna tangis mis bene  si mesuina ndai emaka metedeh ka nga atena lalap perbulangnna, tapi sisi si deban adi proses bersalin e la bagi ukur maka  kinigogon ngenca ialoken. Bage me kerna kerehen Tuhan Yesus si peduakaliken ku doni enda  maba ndiru  (Matius  3:12; Lukas 3:17 “ NdiruNa enggo sikap i bas tanNa guna miari. IpepulungNa page ku bas lumbung, tapi lapungna itamakenNa ku bas api si la ernimpet-nimpet."), alu kata si deban maka kerehen Tuhan peduakliken e jadi sada penghakimen  apakah kita banci ngaloken rudang-rudang kegeluhen  entah hukumen si rasa lalap.

3. I Petrus 1:13-16,  merupaken kata persinget  gelah kita banci ndatken rudang-rudang kegeluhen  ibas paksa kerehen  Tuhan si peduakeliken.Wari Tuhan e la eteh katawari rehna, bagi si kataken ibas invoctionta I Tesalonika  5:2 “Sabap kam pe tangkas ietehndu maka Wari Tuhan e reh bagi penangko si reh asum berngi”.  La sieteh katawari ia reh, tapi pasti Ia reh, kerehen Tuhan e bagi kalak mate, melala kel siidah contoh-contoh, edenga kel kami ercatur... ih enggo mate ari....?  ih mate uga ula kam kari tangkap plisilah... tuhulah enggo mate....la kam salah e....?

4. Jadi kerehen Tuhan e labo perlu si eteh ndigan,  si penting  kai si harus si lakoken  ibas nimai kerehen Tuhan e,  nina Petrus  :

1. Sikapkenlah ukur katawari pe : ertina focus ula ercabang (konsentrasi) sebab iblis penipu rusur kel  erdahin ibas kalak si ndauh-ndauh ukurna. Ula bere sitik pe kesempaten man iblis ndatken celah meneken kita.
2. Metenget : Ula mesunahsa tek man kalak si ngaku maka bas ia lit Kesah Dibata (1Yoh.4:1),  iblis pe ngaku jadi tuhan (bdk. Mat. 4:9),  si ngaku ngasup mereken kai pe. Ingetlah maka  iblis e bapa kerina perbual (bdk. Yoh. 8:44). Tole ikataken ibas 1 Petrus 5:8 “Teneng ras metenget, iblis gawah-gawah bagi singa si erngaung ndarmi si man jerngemenna”
3. Erpengarapen : sumber gegeh ibas kerina keadaan,  pengarapen e ibarat mitivator ibas diri si banci mereken gegeh si si luar biasa, sebab ibas ukur e enggo terbayangken kai bakal ialoken adi enggo lewat  ibas peristiwa enda, alu kata si deban pengarapen e  “kekuatan melihat  sesuatu di balik peristiwa” (bdk. Heb.11:1)
4. Pasu-pasu Tuhan si iberekenna pagin  ibas kerehen Jesus ku doni enda, pasu-pasu ssi kekal ras bertahan rasa lalap, jadi la kita fokus ndarami “pasu-pasu” si terbatas. Alu kata si deban aminna pe kita tading ibas doni si dem kegeluluten mari perukurenta tertuju (fokus/berpusat) ku bas hal-hal surgawi.
5. Erkemalangen man Tuhan  (mehamat, hormat) tanda kehamaten e  megiken ras ndalanken  kai si ikataken-Na,  la pang erbahan kitik ukurna (la pang ngecewakenca),  ula bahan ceda ate  kesah Dibata (Ep.4:30).
6. Menyangkal diri, sebagai buah kita enggo nggeluh ibas kegeluhen si mbaru, kuan-kuan kalak karo “labo terpegedang jambe la ertangke, pegedang pe nimai macikna nge” ertina sura-suranta si rusur mpesenangken daging kulanta  mungkin em rusur si buena kel jadi pusat perhatinta, bagi pernanden misalna entah asakai buena dana siikerikenna guna mpekena-kena dagingna...(labo min salah)  tapi perlu si inget maka daging e bagi jambe la ertangke nge nimai macikna, tapi si kekal e me pertendin, emaka e min si jadi focusta si man pekena-kenanta.
7. Njaga kebadian : surga eme ingan si badia, badia megati iertiken alu kata “terpisah,  dari yang kotor, la campur (murni), ertina hanya kalak si badia ngenca banci bengket kubas ingan si badia, sebab sila badia la senyawa (la banci ersada) ras si badia. Emaka Petrus mpersingeti kita gelah tetap njaga kebadian si enggo ibereken Yesus  arah dareh-Na si enggo mambur iuruk golgota. Memang kita labo kalak si  badia tapi enggo ipebadiaken, emaka lit min sada “zat” si banci proteksi kita gelah ula gampang kel “campur/berasimilasi” ras  dosa.