Suplemen Bimbingen Khotbah Pekan Doa Wari I, Tgl. 17 Mei 2015

Ogen :  I Raja-raja 19 : 1-9a; Khotbah : I Korintus 2 : 13-16

Thema: Ertoto guna kegeluhen pertendin

Senina ras turang sinikelengi Tuhan Yesus, enggo kaseh kita kubas pekan doa GBKP ibas tahun enda, janah si gejapken maka luar biasa kel perbahanenDibata nandangi kita. Ija enggo iberekenNakita erjubelium pe 125 tahun ken. Emaka karya Dibata arah perberita simeriah ndube si ibenaken ibuluh awar enggo mbelang ku belang-belang indonesia enda, ija lit kalak karo si tek man Yesus enggo ibabana berita simeriah GBKP simalem enda. Sienda kerina labo erkiketen kebeluhen tapi erkiteken pemere Dibata arah kesah si Badia. Ibas berngi si pemena enda ibabai kita erpalasken Thema; ertoto guna kegeluhen pertendin. Ertoto eme sada hal sini ilakoken kalak si erkiniteken man Dibata, ija kerina siidah kalak sienggo tek man Dibata wajib ertoto, sebab arah ertoto Dibata mereken gegeh si luar biasa, janah megati pe arah ertoto la isadari manusia maka erdahin Dibata di luar kemampuan manusia ndai. Dibata nehken perkuah ateNa eme arah mereken jawaben toto.

Senina ras turang, Rasul Paulus nehken suratna ku perpulungen Korinti eme guna mereken sada pemahamen kerna kepentaren Dibata. Ija nina Rasul Paulus, ibas ngajarken kebenaren Dibata nandangi manusia maka labo ia ngajarken erpalasken kepentaren manusia, tapi eme alu kata-kata sini ajarken Kesah Dibata. (Perkataan yang diajarken oleh Roh). Iakuina maka ibas enteremna kalak si enggo dewasa/ngaloken Yesus sebagai juruselamat, maka sienda kerina labo arah bekas beluhna tapi ija Kesah Dibata singajarkensa nandangi manusia ndai gelah ia dewasa ibas kiniteken. Arah enda lit piga-piga hal si man perdiateken eme:

Dibata nehken pengajarenNa nandangi manusia, eme tentang keselamaten manusia ndai, eme erkiteken Tuhan Yesus Kristus (Band I Kor 1 : 30).

Hanya arah Kesah Sibadia kebenaren bagepe keleng ate Dibata banci i sehkenNa man banta kerina (band I Kor 2 : 10-11).

Pernyataan Dibata enggo isehkenNa man kalak si enggo tek ras sienggo ipilihNa seh maka kita enggo tek man Tuhan Yesus (ban Roma 8 : 15)

Emaka kerina kalak sienggo i pilihNa ia iajarken Kesah Dibata ndai gelah banci ngerana ia bagi kai sini iajarken ken Kesah Dibata ndai.

Senina ras turang, kalak silabo lit ibas ia Kesah Dibata ndai maka labo ngaloken kai sini asalna ibas kesah e nari, janah kalak si bagenda igelari manusia doni. Hal enda banci si idah waktu Nabi Elia enggo ngaloken ras munuhi nabi baal emaka nembeh ate raja Ahab ras permai surina, emaka ibunuhna atena Nabi Tuhan bagi kuga ka Elia munuhi nabi baal, endame doni, harus ibalas perbahanena, bahkan adi banci lebih kejam. Erkiteken sie maka nabi elia pe mbiar, emaka lawes ia nadingken tugasna, hal enda pe pada waktu sie Elia ikuasai sikap doni, mbiar ia mate emaka iselamatkenna bana nadingken tugas-tugas kenabian. Tapi Dibata tetap mperdiateken ras nemani elia, erkiteken Elia enggo lit bas Ia Kesah Dibata, emaka Dibata nyelamatken ia alu mere man roti ras minem, gelah ngasup ia nerusken perdalanen. erkiteken Nabi elia megiken ras ndalanken kai si perintahken Dibata, maka ngasup erdalan 40 wari seh ku deleng sinai. Sifat doni enda kepeken banci erbahan kita bene, bene kiniteken bagepe bene kegeluhen, emaka pengarak-ngarak Dibata/ Kesah Dibata mereken kengasupen naluken kerina kuasa ras kebiasaan doni enda

Senina ras turang sebagai kalak Kristen maka kita reh dewasana erkiteken pengarak-ngarak Kesah Dibata janah Ia ngajari kita tetap nggeluh ibas kini teken ras ertoto. Sebab arah kita ertoto reh dewasana kini tekenta, sebab arah kita ertoto maka Dibata nampati dingen mpegegehi kitaguna ngasup ndalani wari-wari kegeluhen enda, sebab arah ertoto maka terantusi kita kuga keleng ateNa man banta. Isekin meteh perukuren Tuhan...? isekin ngasup najarken ia...? kuakap penungkun enda hanya ia (Kristus) ngenca ngasup mereken atusen, ras ia nge singajari kita, bagi Elia ndai i orati Tuhan. Erkai kam jenda Elia...? sebab Elia enggo putus asa radu ras mbiar, sebab nina: “enggo me Tuhan, buatlah kesahku, madin me aku mate” (I raja 19: 4). tapi Tuhan la mpediat ia terus nggeluh ibas keputusasaan, emaka Dibata ngantusi isi pusuh na ras Dibata masih ngarapken Elia tetap erbahan si mehuli, emaka Dibata menyemangati Elia (I Raj 19 : 5b-6). Tapi ibas kita lit kap perukuren Kristus, perukuren Kristus eme meteh kaikin sura-sura Kristus ras bagepe rencana-rencanaNa nandangi kita anak-anaknN.Emaka kalak silit ibas ia perukuren Kristus eme kalak si nggit ndalanken kai sini i perintahken Kristus ibas kegeluhenna, sebab arah kai sini ilakokenna maka ia megiken kai sini iajarken Dibata kepentaren, eme dalan kegeluhen si payo (Inv). Arah enda banci sidatken maka kalak si erkiniteken maka Ia tetap megiken ras ndalanken kai sini perintahken Kesah Dibata, maka i berekenNa kesempaten guna ndalanken kegeluhenna arah ertoto ras ersaksi, emaka arah toto rikut ras kesaksianta maka kalak si deban pe ermeriah ukur nggeluh ras kita, emaka kalak si bage me ibereken Dibata rudang-rudang si mejile ibas takal ta, kita i mahkotaiNa. Emaka gelah seh kerina kai sini arapken Tuhan, bagepe kai sini arapken kita, maka kita ertoto guna kegeluhen pertendin, arah themanta ngingetken. Kepeken ertoto enda labo ngenca hubungen ras kinirajan surga tapi pe kegeluhenta idoni enda pe iberekenNa peluang-peluang si luar biasa. Emaka man kerina kalak sienggo ngaloken Yesus, tetap ertoto, ertoto guna dirinta, kalak sideban termasuk pe persekutuanta selamat ngikuti pekan Doa GBKP.