Khotbah Kejadin 1:26-28, Pekan Penatalayanen Wari V, Kamis 22 Januari 2015

Invocatio :
“Perukurenndu bali min ras perukuren Kristus Jesus” (Pilipi 2:5).

Ogen : Epesus 4 : 17 – 24; Khotbah : Kejadin 1 : 26 – 28

Tema : “Nggeluh ibas tempas Dibata” (“Berbudaya”)

I. Kata Perlebe
GBKP (Gereja Batak Karo Protestan) ngingetken kita maka konteksta eme ibas kebudayan “Batak Karo”. Tapi lit kalak simeraguken budaya Karo enda mbaba keuntungen entah mbaba kerugin nandangi kekristenenta. Kita lit ibas dua ekstrim eme sipemena kalak siempeganjang budaya asangken Injil, sipeduaken kalak sierpala-pala nasapken budaya alu Injil. Duana cara rukur enda empertentangken Injil ras budaya, padahal situhuna la perlu ipertentangken. Siperlu sibahan eme mengkontekstualisasiken Injil kubas kebudayanta. Kita la perlu nadingken kebudayanta guna jadi kalak Kristen, tapi uga kita jadi kalak kristen siberbudaya.

Saja siperlu sipertengeti eme lit budaya si la nandai Dibata, entah empersilahang Dibata maka teridah ibas perukurenna (ide-ide) si la erguna. Siperlu eme budaya singakui ras ngergai Dibata. Sinasa lit la lit adi la itepa Dibata, ras sinasa lit la lit ertina adi la er-Dibata. Sebab Dibata nge sinepa ras sierbahan aturen kegeluhen, Kristus eme Tuhan nandangi budayanta. Kerina doni inganta tading enda, tuhu-tuhu mehuli eme ulih pendahin Dibata (karya kreatif Allah). Doni inganta tading enda icedai erkiteken cara kegeluhen (budaya) singelawan kempak Dibata. Cara kegeluhen siencedai enda situhuna lanai berbudaya. Segelah mulihi berbudaya, la danci lang “tempas Dibata” ipakeken mulihi entah ipekena mulihi ibas kegeluhenta.

II. Pebagesi Pengangkan
Ibas kerina tinepa Dibata, manusia ngenca si sentudu ras tempas Dibata (gambar dan rupa Allah). Tempas enda labo aslina, tapi bagi curmin, nuduhken rupa Dibata. Manusia merepresentasiken tempas Dibata. “Tempas Dibata” ertina ibas benana Dibata enjadiken manusia guna encerminken karakter-Na si badia ras keduduken-Na selaku sienggelem pemerintahen si sah nandangi kerina tinepa-Na. Manusia ibere kengasupen jadi enterem (Kej.1:28); ibereken kuasa nandangi tinepa sidebanna (Kej.1:26); ibereken kengasupen guna ngusahai ras enjagai (Kej.2:15).

Kitab Kejadin nuduhken maka ibas rancangen Dibata, nilai kegeluhen manusia ndauh mbaboi kerina tinepa sidebanna. Nilai kegeluhen siembusken Dibata kempak manusia la ngasup itandingi tinepa tah pe teknologi sierkembang. Uga pe canggihna ras cerdasna komputer la ngasup enjului kegeluhen manusia. Sebab Dibata jine ngembusken kesah kegeluhen kempak manusia. La lit mahluk entah pe materi sideban singaloken kesah kegeluhen bagi manusia. Kesah kegeluhen enda rusur ianalogiken alu istilah “manusia berakal budi” ras akal budi enda me budaya siteridah ibas karya ras perbahanen si ernilai.

Siperlu siinget maka ibas Dibata nepa sinasalit, termasuk manusia, kerina itepaNa tuhu-tuhu mehuli. La lit manusia siitepa Dibata la mehuli, Dibata la nepa manusia si jahat perukurenna ibas tangtangna itepa Dibata. Saja tempas Dibata e enggo ceda paksa manusia ndabuh kubas dosa. Manusia arus itransformasi ulihi kempak tempas Dibata mulihi. Adam sipemena mbabai kita kubas dosa siencedai tempas Dibata. Adam sipeduaken (Kristus) mbabai kita mulihken kubas tempas Dibata. “Kam genduari manusia si mbaru si tetap ipebarui Dibata si njadiken kam rikutken tempasNa jine. Tujunna e me gelah itandaindu alu serta Dibata” (Kol.3:10). “Pakelah manusia si mbaru si itepa rikutken tempas Dibata, dingen encidahken bana i bas kegeluhen si tuhu-tuhu adil dingen badia” (Ep.4:24). Tempas Dibata e ringan ibas pusuh ras perukuren, tempas Dibata enda teridah ibas ulih pendahin manusia.

Perlu siinget maka kerina sinasa lit itepa guna Dibata, labo guna manusia, sebab manusia eme bagin arah tinepa Dibata. Adi sinasa lit erpusat kempak manusia ije me letak cedana tatanan kegeluhen. Kerina arus ibaba mulihi kempak Dibata, Dibata si jadi pusat kerinana. Manusia eme wakil Dibata ras ertanggungjawab man Dibata sebab manusia iperentahken guna enjagai tinepa Dibata. Si mada tetap Dibata ras manusia eme mandataris-Na.

Kesegambaren manusia ras Dibata eme soal hubungen manusia ras Dibata. Kemanusianta jadi benar adi hubungenta ras Dibata mehuli. Kengasupen menjalin hubungen pribadi enda penting, sebab adi hubungenta ras Dibata mehuli maka kita ngasup menjalin hubungen ras temanta manusia. Dibata mbereken kengasupen ibas enggeluh ibas hubungen pribadi ras sikeleng-kelengen. Kengasupen enggeluh secara sosial eme pemere Dibata man banta erpalasken hubungenta ras Dibata. Maka bual saja adi sesekalak erpengakap dirina radat (berbudaya) alu kegeluhen si la ersumber arah Dibata.

Emaka Injil labo anti nandangi budaya lokal, tapi Injil bengket kubas budaya lokal. Sebab Injil perlu bengket kubas budaya kegeluhen manusia segelah Injil ula jadi produk asing man banta. Injil e jine berbudaya, Injil e mbaba cara kegeluhen singena ate Dibata. Maka ibas perjumpan Injil ras budaya Karo maka Injil e jine mentransformasi budaya Karo. Budaya Karo e jine jadi konteks ingan Injil enda membaharui kegeluhenta. Jadi budaya e jine labo ibeneken tapi iwarnai, ipesikap ras erbahan maknana lebih mehuli. Budaya e iarahken guna jadi sarana sierbahan reh tangkasna itandai ras ipermuliaken Dibata. Injil ipeseh man banta guna mbabai kita mulihken kempak Dibata, erbahan tempas Dibata mulihi ipakeken kempak kita. Injil erbahan tempas Kristus ipakeken kempak kegeluhenta.

III. Pengkenaina
Kegeluhen kalak kristen la danci la erbudaya. TS Eliot dalam karyanya Notes towards the Definition of Culture mengatakan bahwa secara kasar kebudayaan sinonim dengan agama. Bagi Eliot hal ini mengimplikasikan dua hal, yaitu 1) kebudayaan tak dapat berjalan tanpa agama, dan 2) agama tidak dapat berjalan tanpa kebudayaan. Eliot menganggap kebudayaan merujuk pada apa yang membuat hidup ini berharga, yang memberikan rasa seperti berada di rumah sendiri dalam dunia yang tak bersahabat ini. Menurut Eliot, kebudayaan adalah agama yang dihidupi: “tingkah laku adalah juga kepercayaan”. Kebudayan adalah sarana untuk berbagi cara hidup dan cara pandang yang benar-benar bernilai.

Budaya adalah suatu cara hidup yang berkembang dan dimiliki bersama oleh sebuah kelompok orang dan diwariskan dari generasi ke generasi. Menurut Carl Hendry, setiap kebudayan memiliki “suatu keyakinan perekat, yaitu pandangan mendasar terhadap kehidupan dan realita yang melestarikan kesatuan mereka”. Budaya empersadaken entah pe ngiket kita ibas sada cara pandang entah pe orat enggeluh. Dingen kiniteken Kristen berinkarnasi kubas kebudayan Karo, maka kiniteken e mengisi entah pe jadi inti kebudayan Karo. Kiniteken kempak Kristus me siempersadaken kita ibas gereja siberbudaya karo.

Inti kebudayan eme kiniersadan ras orat geluh sada ras sidebanna. Maka nilai kekristenen empeteguhi kebudayanta, bagi pedah Paulus “Ersada min arihndu, sikeleng-kelengen min kam, ersada min geluhndu dingen ersada ukurndu” (Pil.2:2). Kerina enda danci jadi adi perukuren Kristus mentransformasi kebudayan Karo. Perukuren Kristus eme “Meteruk ukurNa, janah erkemalangen Ia man Dibata seh matena pe; e me mate i kayu persilang” (Pil.2:8). Biak erpalasken kerangapen, ntah si erpalasken ukur meganjang, singukuri keperlunna saja ngenca; kerina enda encedai persadan. Maka budaya meteruk ukur ras erkemalangen man Dibata segedang geluh jadi nilai tertinggi siman pakenken ibas budayanta.

Kebudayaan/ tekhnologi modern ibas sada sisi melala mbereken kemudahen man manusia. Tapi ibas sisi sidebanna empeteruk nilai manusia, manusia lebih inilai secara materi (ipeseri ras materi), inilai erpalasken nilai materi sinihasilkenna (pragmatis). Sedangken nilai manusia e ibahan Dibata ras arus iergai secara pribadi. Genduari enda enterem kalak si akapna bana la lit ertina tah pe la meherga. Kerina enda mbaba depresi, erbahan tertekan. Kegeluhen individualis ras materialistis mbabai kegeluhen manusia kempak nihilisme (tanpa nilai, tanpa makna). Eme persinget man banta maka nilai sosial budaya tetap iperluken. Apai ka adi nilai-nilai sosial budaya e enggo itransfromasiken alu Injil Kristus erbahan solidaritas sejati.

Kekristenen labo encedai budaya karo tapi erbahan kita berbudaya erpalasken tempas sinibereken Dibata. Alu bage tempas kalak karo bagi tempas Kristus simeteruk ukur ras erkemalangen man Dibata. Alu bage persadanta la ‘semu’ tah pe ‘samar-samar’ tapi kita enggeluh ibas kebudayan karo simegegeh ibas nehken kekelengen, nehken kiniulin ras enggeluh bujur sada ras sidebanna. “Pakelah manusia si mbaru si itepa rikutken tempas Dibata, dingen encidahken bana i bas kegeluhen si tuhu-tuhu adil dingen badia” (Ep.4:24), enda me budaya situhu-tuhu.

Pdt. Sura Purba – GBKP Bnadung Barat