Khotbah Josua 21:43-45, Pekan Penatalayanen Wari II, Senin 19 Januari 2015

INTROITUS :
Tek Abraham man Dibata, janah ipasu-pasuNa ia. Bagemepe kerina kalaksitek
man Dibata ipasu-pasubagi Abraham(Gal. 3:9)

OGEN: Masmur 65: 5-14; KHOTBAH: Josua 21 : 43-45

TEMA: “Dibata nehken padanNa, tetap ukurta”

1. Mungkin pernah sibegi tah siinget dengan judul lagu:”Merpati tak pernah ingkar janji”. La sieteh kai alasen pengarang lagu enda maka maka ibanna judul lagu enda.Payo kin ndia merpati la pernah ingkar janji? Tah kin lagu enda sada sindiren bahwa adi merpati pe (rubia-rubia) la pernah ingkar janji, engkai maka manusia megati kal ingkar janji/la setia???
2. Manusia tuhu megati kal ingkar janji, mesunahkal melasken janji tapi rusuren lebih mesunah ingkar janji. Sekedar contoh: Anggota dewan, Gubernur, Walikota/Bupati, tupung kampanye melala kal janji-janji sinisehkenna tapi kenca “duduk” enggo lupa nandangi janjina ndube. Sentabi silebih ndeher ras kita Pemilihen Pertua-Diaken Periode 2014-2019 mbaru denga silakoken, iarapken lenga lit, labakal lit Serayan si ingkar janji.
3. Manusia megati la setia, tapi Dibata tetap kepe setia, Dibata tetap nehken padanna. Josua 21:43-45 baci ikataken merupaken kesimpulen Kitab Josua Fasal 1-21, sisina eme: Tuhan nepati janjiNa man bangsa Israel, alu mereken taneh Kanaan. Janji enda janji sienggo isehken pe sebelumna man nini bangsa Israel eme Abraham(Kej. 12:17 ; 15:18 Bagepe iulihi ka ibas Josua 1:3-4)
4. Dibata la saja mereken taneh Kanan guna iiani tapi pe Dibata erpadan nemani, mereken kejuah-juahen tading ibas ingan sinibereken Dibata e. Mungkin mbue “musuh simegegeh” sibakal man alanken ibas ngiani taneh e, tapi gegehen denga kap Dibata. Gegeh Dibata e enggo me ibuktikenNa ibas perdalinen nuju ku taneh Kanan e alu: ngeruntuhken tembok Jerikho (Josua 6) bagepe naluken kalak Amori, alu mpengadi matawari(Josua 10).
5. Padan Dibata labo hanya terbatas guna sada suku bangsa, labo terbatas kubas ingan tah waktu tapi man kerina jelma, ibas kerina paksa ras ibas kerina ingan. Bukti padan Dibata simbelin man doni enda enggo me sialoken janah mbaru denga siperingeti eme Perban bage kelengNa ate Dibata man doni enda emaka iberekenNa anakNa sitonggal man banta. Tuhan reh ku doni enda.
6. Mungkin ibas perdalinen geluhta lanai siinget tah la sigejabken maka Dibata nehken padanNa man banta, Dibata setia, Dibata erkeleng ate. Bagi Sekalak anak tergelar Pagit, erbahan Cataten kai sinidahikenna irumah, lit pembantu irumah ibereken nandena tiap bulan gajina, iakap Pagin maka nande la erkeleng ate man bana sabab ia erdahin .

Tgl 02, aku suruh mamak nuci piring         upah   Rp.  2.000
Tgl 03, aku suruh mamak jaga adik                     Rp.  5.000
Tal 04, aku suruk mamak ku warung                   Rp.  2.000
Dll                                                                        Rp.  5.000
T O T AL                                                               Rp. 14.000

CATATAN : HARUS DIBAYAR.
Kenca dung tulisna itamakenna ku kamar nandenna. Bage nandena masuk kamar minter iintipna arah lubang kunci , idahna nandena ngoge catatenna janahna tangis. Ibas ukur Pagit; “berarti nande enggo sadar maka selama enda la isehkenna keleng atena alu la mereken upahku”.

Pepagina giliren Nande erbahan surat isina:
Tgl. 11 Feb  :   Pagit ilahirken rumah Sakit biaya Dokter dan Rumah Sakit   Rp. 5.000.000
Tgl. 20         :   Beli Susu                         Rp.     200.000
Tgl. 21         :   2Pagit deman, beli obat    Rp.     500.000
Dll.(ndak usah dihitung)
T O T A L                                              Rp. 5.700.000
Rp. 5.700.00 dikurang utang nande Rp. 14.000 = Rp. 5.686.000

CATATAN: “TIDAK USAH DIBAYAR, KARENA ENGKAU ADALAH ANAKKU BUKAN PEMBANTUKU”.

Mari sipenanam-nanamlah uga belinNa kiniulin Tuhan e (Mas 34:9).

Pdt.Iswan Ginting Manik,M.Div
GBKP Cililitan  HP. 081270209020