Suplemen PA MORIA : Josua 24 : 14-18 ; Tgl : 27 Sept-03 Oktober 2020

Nats             : Josua 24:14-18

Thema          : Mabai Isi Jabu Nembah Tuhan

Tujuan          : Gelah Moria :

·      Meteh komitmen Josua mabai isi jabuna mpehaga dingen nembah Tuhan

·      Ngaturken kebaktin keluarga

Metode         : Kesaksian dan Aksi              

1.    Bena Kata

Jabu eme Gereja kecil itengah-tengah doni enda, sebab lit ije Bapa Nande ras anak-anak nggeluh ibas jabu e. emaka jabu enda me si banci menentuken kuga perkembangen persekutuan ku si lebih mbelin eme Gereja secara umum. Rumah tangga eme basis awal manusia erlajar si la mehuli, bagepe spitual ras IPTEK, emaka adi enggo salah awalna ibas Jabu e maka banci terus menerus terjadi si mehuli, tapi adi jabu e la iawali alu si mehuli maka banci jabu epe erdalan alu mehuli. Emaka sibabai lah jabunta nembah Tuhan Dibata.

2.    Urian teks

Josua eme pemimpin Israel singgantiken Nabi Musa, janah iame naruhken Bangsa Tuhan she ku taneh perpadanen (Tanah Kanaan). Tentuna laka bo sitik hal-hal si mberat siman hadapen Josua, sebab bangsa enda termasuk bangsa si sulit kel ngaturkenca. Emaka Josua hanya berharap man Dibata saja erkiteken labo lit kengasupenna ngaturkenca. Emaka Josua nehken kai si ipeseh Dibata man umatNa, terutama keluarga. Emaka I awalina alu mpetandaken Dibata si enggo mabai I taneh perbudaken : Pehagalah Tuhan Janah sembahlah ia alu tutus ate ras patuh. Tentuna enda sue ras Hukum Torat si pemena. Bagepe ngingetken maka harus mpedauh Dibata sini sembah nindu I mesopotami. Kepeken bangsa enda enggope itehna Dibata e si membebasken Nini na I taneh perbudakan tapi banna ka laguna. Emaka alu tegas Josua ngorati umat Israel “Aku Ras isi Jabu ku Tuhan saja Kusembah”. Janah ibanna pilihen man bangsa e, apai ipilih ndu..? Emaka bangsa e ngataken maka Ndigan pe la kami nggit nadingken Tuhan. Isingetken Bangsa e ka maka kuga bangsa e I sampati Dibata ngelawan musuh-musuhna, Emaka kami pe nembah man Tuhan. Ia kap Dibata kami

3.    Renungan

Arah bahan ras Temanta enda maka sebagai Moria GBKP, sini ikataken Tiang Doa ibas jabu, emaka kuga peranan Nande itengah Jabu, peranen Nande eme sentrakl ija sindeher kal bas perbulangen bagepe anak-anak, Nande eme Ingan tertande, ertina Nande situhuna megegeh untuk melindungi isi jabu e. Gelah jabu e tetap berhubungen ras Dibata, sebab paksa gundari enda banci si idah jabu e rentan kal ibas perpecahen, rentan kal ibas masalah-masalah, apai ka si sangana Covid 19 enda tetap denga merebak itengah-tengah bangsanta. Emaka berpengaruh kal nandangi anak-anak, bagepe perbulangen gelah tetap ibas kiniteken man Tuhan Yesus. Emaka sibabailah anak Jabunta gelah tetap erkiniteken man Tuhan, ras kita pe tetap mabai isi jabunta kerina gelah mengandalken Dibata bagi Josua ras isi Jabuna. Bagepe bagi pengakuan umat Israel, nginget kuga perbahanen Dibata sitetap mehuli nandangi ia kerina, bagepe nini nini na nari. Emaka la ia nggit nadingken kuasa ras keleng ate Dibata. Bagepe kita maka perlu rusur si inget kuga keleng ate Dibata e nandangi jabunta, emaka tetap si ajarken man isi jabunta, gelah anak jabunta e pe pagi banci ka nehken/ngajarken keluarganaka gelah nggeluh er Dibata, Erkeleng ate nandangi kalak sideban. Pengakuan Josua terus I Budayaken itengah-tengah jabu.

              “ TAPI ADI AKU RAS ISI JABUKU, TUHAN SAJA NGENCA ISEMBAH KAMI”

Salam, selamat Er PA

Pdt Andarias  Brahmana

Ketua  Klasis Jakarta  Kalimantan