Jadwal Kegiatan

Ibadah Umum - (08PM - 09PM)
Ibaadah Remaja - (09PM - 10PM)

Suplemen Bimbingen PA Mamre Tanggal 3-9 Mei 2015, Ogen Matius 26:14-16

Ogen       : Matius 26:14-16
Thema    :  Ukurilah alu mbages

Tujuan    :  GelahMamre ibas muat keputusen rukur alu mbages; GelahMamre la bene erkiteken pemere kalak si deban

Tindakan sila terpuji eme, menghianati teman dekat atau sahabat karib. Sebab temanta enggo sehkal ia tek nandangi kita, je ka mesi beneken temanta e, masehkal ate gogona adi teman ta e erbahan kita ndatken kini seran. Tapi hal enda megati denga terjadi i tengah-tengah kegeluhenta enda. Emaka lit kuan-kuan karo: Siakap teman benekenna kita. Megati enggo melala kita keri nampati ia tapi arah eibenekenna kita. Bagem Judas iskariot salah sada ajar-ajar Tuhan Yesus, ija ia enggo ikuasai iblis emaka ia ngelakoken sada perbahanen si la terpuji ija ia nungkun man imam simbelin: “ kai berekendu upahku adi ku endesken Yesus man bandu...? Luar biasa ia ndayaken sahabatna, guruna, Tuhanna man penguasa, janah teridah kal sidekah enda pura-pura baik tapi dibalik sie, litharapenna nandangi duit. Mangerikal dayakenna Yesus, siselama endaenggo melala erbahan simehuli nampati termasuk nampati Yudas sendiri pe. Tapi Judas enggo gila duit, mata duiten, memang adi duit penggurun maka temanpe dayaken. Kaipe lakapna meherga. Masi idah gundari labo sitik terjadi penjualen manusia, lit deba jadi pelayan restoran, pembantu rumah tangga, siteragisnya jadi pemuas nafsu hidung belang. la erpilihen nguda tah metua, kade-kade pe megati enggo iperdagangken. Hal enda erkiteken duit ras duit. Emaka lanai bo sitik sijadi  korban, korban harta ras diri, kalak sedap akapna sideban menderita: Menari kita diatas penderitaan orang lain. Mengerikan bukan. Yudas pe ndayakennaYesus TuhanNa, apai denga kapdu sigundari. Tapi perlu siinget sienda kerina nimai warina ngengenca pasti suatu ketika: kai isuan e kange i perani.

Suplemen Pjj Tanggal 3-9 Mei 2015, Ogen Heber 11:13-16

Ogen    :  Heber 11:13-16
Tema    :  “Doni Kalak Mate”

Tujun   :  
1.       Gelah ngawan perpulungen ngangkai doni kalak mate
2.       Gelah ngawan perpulungen lanai mbiar ngalaken kematen

Adi si oge Heber 9:27 jelas maka la lit manusia si banci nilahken kematen. Ibas paksana manusia pasti mate kenca si e iadili. Tapi engkai maka ngerana kerna kematen seolah sada hal si man silahenken? Adi mbiar iadili erkiteken iakap kita pasti ikelompokken kalak si ersalah jenari masuk neraka, wajar adi mbiar encakapken kematen. Saja ngenca payo nge bage? La lah erkiteken lenga jelas man banta kerna keadan kalak si enggo mate?

Situhuna ibas Pustaka Sibadia mbue ngerana kerna kematen. Salah sada eme ogen Pjjta sendah. Ikataken Abil, Enoh, Nuah, Abraham, Sarah eme kalak sierkiniteken tapi kerina ia mate kang, saja ngenca mbedakenca ras mbue manusia eme ikataken ibas ayat 13 kalak enda mate ibas kiniteken. Kai kin ertina mate ibas kiniteken? Erpalasken erti kiniteken ibas Heber 11:1 maka banci ikataken amin gia kalak enda lenga bo ngidah kegenapen kerehen Yesus Kristus si padanken[1], tapi  pengharapen kalak enda nandangi kegeluhen sirasa lalap ras Dibata I negeri siterulin eme negeri I sorga erbahanca kalak enda ibedaken ras kalak si mate si la erkiniteken. Kata “dauh-dauh nari enggo idahna si e” nuduhken uga pengarapen kalak enda nandangi kegenapen padan Dibata e janah enda ipahami sada kebenaren emaka penulis Heber ngataken maka man kalak enda enggo isikapken Dibata sada kuta (surga).

Suplemen Bimbingen PA Moria tanggal 3-9 Mei 2015, Ogen 1 Samuel 2:26; 3:19-21

Ogen   : 1 Samuel 2:26; 3:19-21
Tema   : Anak singena ate Tuhan ras Manusia

Ibas kinata kegeluhen erbage-bage biak ras perbahanen anak-anak iengah-tengah jabu, lit sibagi ukur ras lit ka silabagi ukur. Banci pe ikataken maka “njagai ras pebelin belin” anak jadi perbeben utama man orangtua.

Lit kalak simengelompokken anak bagenda:

Anak Lumpang ( cakap karo : Lalu ) : Lalu enda tentu gunana nutu kulesung; secara sepintas mungkin labo lit dampak negatifna man lesung, tapir reh dekahna lesung e pasti terkikis bahkan akhirna pecah.Enda ngambarken anak si secara perlahan-lahan menghancurken/ encurnaken Bapa Nande.

Info Kontak

GBKP Klasis Jakarta - Kalimantan
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate