Salah satu keunikan keKristenan dibanding dengan agama-agama lain adalah: Allah kita hadir ditengah-tengah umatNya, Allah tinggal ditengah-tengah umatNya dalam  wujud manusia Yesus Kristus . Ia hadir untuk menebus dosa kita. (Yesus  nampaknya sungguh senang tinggal ditengah-tengah umatNya. Lihat ,Matius 18 : 20,  Yoh 20 : 26).Dan kini Ia tetap hadir ditengah-tengah kita dalam bentuk ROH , Roh Kudus yang adalah penghibur sejati.

1. Dalam rangka perayan ras ibadah Natalta tahun enda, eme i tahun 2015, kita enggo me mempersiapkan kerina, diantarana Panitia, dana, bagepe pengkhotbah Natal, janah la ketadingen kuga dekorasi ras konsumsi Natal. Bagepe Gereja-Gereja enggo me ngelakoken latihen-latihen koor tah pe drama natal. Hal enda ilakoken mulai danak-danak seh ku lansia. Seh kel riahna adi enggo kenca seh bulan Desember. Gereja tiap wari ipake guna persiapen e, bagepe rapat-rapat panitia terus ilakoken. La ketadingen seragam si pake tiap sektor bagepe kategorial khusuna kategori Moria ras KAKR.
Meriah kel adi ernatal ningen, memang payokel, sebab permakan pe nai i mbal-mbal Efrata meriah kal akapna. Lit koor malaikat, lit kata-kata ula mbiar aku reh  maba berita si meriah, si mereken keriahen si mbelin man kerina manusia (Luk.2:10).
Emaka suasana Natal eme ngalo-ngalo Ia si erbahanca lanai kita mbiar, lanai ateta aru, sebab Ia si reh e maba berita si meriah e.

1. Ibas kegeluhenta sebagai manusia harus si sadari maka kita eme ciptaan Dibata si ijadikenNa segambar ras Ia (Kej.1:26-27). Ertina labo lit perbedaan siniiciptakenNa, malahen kita segambar ras Ia. Janah Dibata ka nge masu-masu manusia ndai gelah ertuah enterem. Emaka arah manusia si segambar e me kerina manusia enda, baik dilaki bagepe diberu, anak-anak ras tua-tua, baik pengikut Kristus bagepe si lenga ngaloken Yesus, kerina kita eme bekas tinepa Dibata si segambar ras Ia. Emaka adi ngerana kita la banci menyepeleken sesama manusia, harus saling menghormati ras saling mengasihi, sebab kerehen Kristus pe guna ngkelengi doni (manusia) enda (Yoh.3:16)

2. Kekejaman kalak Niniwe nandangi kalak Jahudi la teraloken Yunus. Sebab kalak Niniwe enda cukup kejam, sebab adi tertangkap kenca kalak Jahudi isiksa alu kejam bahkan lit pe i kulitina kulitna. Emaka dari sisi kekejaman Yunus la terima, maka harus ka ibalas adi la lebih kejam setidakna balilah gia.

Emaka ibas Dibata nuruh Yunus guna nuriken kesalahan Niniwe labo teralokenna, bahkan sura-sura Yunus anak kota Niniwe enda i musnahken saja/kernepken ulanai pediat nggeluh bas doni enda. Sebab Dibata pe enggo meteh salahna. Tapi cara rukur Dibata la bali ras cara rukur Yunus. Dibata nuruh Yunus jadi perberita keleng ate Dibata, emaka turiken kesalahenna, janah harus bertobat. Keberaten kel Yunus kalak Niniwe enda bertobat.

La kin lit ka nge kit ape bage, terutama nandangi kalak si la bagi ukurta, si rusur nega-nega kita ibadah, mbangun ras sidebanna, banci segat ateta. Emaka Yunus membelot, nilah ia arah perintah Tuhan Dibata. Seharuna  ia ku Niniwe tapi lawes ia ku Tarsis (Spanyol). Tenang kal ia membelot bas Dibata nari, galarina ongkosna, nangkihina kapal e, tapi lompat ia bas Tuhan nari.

Wow… hati-hati, lit ka nge pe megati si isuruh Tuhan bagenda??.. jawabna hanya kita metehsa.
La isadari Yunus maka ibas ia lompat e, enggo melala kal kalak korban, Niniwe lalit sinehken kerna kesalahenna. Kalak si das kapal e pe nggo birawan sebab angin si meter rembus, galumbang merawa kapal menam tenggelam. Barang-barang si lit bas kapal e ibenteri ku laut. Seh kel biarna awak kapal, seh pe nderkuh ia kerina. Yunus membelot enterem jadi korban. emaka kita pe harus hati-hati nandangi pendilo Dibata, adi membelot maka enterem jadi korbanta. Yunus si labo menganggap bersalah, la tena keleng sesama manusia, bagepe kalak Niniwe, medem saja ia, janah la isuruh ertoto man Yahwe Dibatana.  Pasti waktu si e Yunus sadar, ertoto pe labo gunana sebab labo begiken Dibata. Yunus  nggo meteh salahna, la ia ngerana, sip-sip saja ia. Emaka ibahan tikam tanduk, ise kena maka ia ibenterken ku laut. Arah kejadin enda maka akap Yunus aman ia lari dari Tuhan, ternyata lebih parah sebab ia harus ibuang ku laut erkiteken ia kena, iorati ia, ise ras kuja atena. Emaka Yunus terbuka man anak buah kapal maka ia nilah ibas suruhen DIbata. Ia ngakui kerina, ia me penyebab bencana enda, emaka ia nggo rela ndatken hukumen ibas kelompok e nari. Ukumen eme iambengken ku lawit, janah ia sendiri mindo man anak kapal e gelah idabuhken ku lawit. Yunus merasa lebih baik ia korban dari pada jelma sinterem korban, ia sadar erkiteken ia kalak si deban ikut menderita.

3. Hal enda mengingatkan kita gelah harus ndalanken kai si iperintahken Dibata. Mungkin perintah e mberat sebab nina Yesus : kelengilah temanndu manusia bagi kam engkelengi dirindu sendiri (Mat.22:39). Bahkan tole ikataken Yesus kelengilah musuh-musuhndu/imbang-imbang bagepe man kalak sinembeh atena man bandu (Lukas 6:27,35).
Adi si nen kata Yesus ma payo nge Dibata ngukum kalak si la nggit engkelengi teman-teman, sebab kita nggeluh enda lit gunana adi lit kalak sideban ngalo-ngalo kita. Aminna gia lit kalak si rate nembeh, tapi pe megati menyakiti kita, tapi ula kal si balas, tapi harus si kelengi ia, sebab arah kita ngekelengi e Dibata erdahin guna menyadarken ia, gelah isadarina perbahanenna e la mehuli. Hal si enda me la teraloken Yunus nandangi kota Niniwe. Atena Niniwe e harus  harus ikernepken saja, lanai bo perlu ikelengi. Namun Dibata berkehendak lain, harus isehken berita kerna kejahatenna, gelah ia sadar kai sinibahanna e la payo.

Mari radu ras kita sikeleng-kelengen, sebab manusia enda ciptaan Dibata, kita ijadiken labo lit beda-bedana, tapi segambar ras Dibata.