Invocatio :

Aku ibahan Dibata jadi sierdahin guna perpulungen. Dahin  ibereken Dibata man bangku guna keperlunndu. Dahin e mpebarken Kata Dibata alu serta”.(Kol.1”25)

 

Ogen :

Jesaya 48:20-21

Tema  :

Beritakenlah Kiniulin Tuhan (Berita siMeriah)

 

1. Ndahiken dahin berita simeriah arus tetap, dahin e banci ngadi sidahiken adi kita enggo ngadi erkumesah. Dahin e eme pemere Dibata emaka labo banci sura-suranta ipebelin janah arus ipertanggungjawabken man Dibata.
2. Sijadi penungkunen man banta, enggo me kita nggeluh ibas berita simeriah e??? enggo me sigejabken kiniulin Tuhan e??? sabab maka”mbisa” berita adi kita enggo leben “nggeluh” ibas kai siniberitaken e.
   Pengajuk Jesaya ibas Jesaya 48:20-21; “Momokenlah ku belang-belang doni…..Tuhan enggo engkelini Israel….. la sempat ia terketes….ipedarat Tuhan lau nibas lingling nari…rstna.” Jesaya tuhu-tuhu enggo ngejapken kiniulin Tuhan, emaka patut kal iberitaken.
3. Mari sipepayo Pemahamen / kuasa guna  nehken Berita e, bagi siisingetken Jeremia ras Rasul Paulus.
   Jer.20:9; Tapi tupung kukataken, Kulupaken Tuhan, lanai aku ngerana ibas gelar Tuhan”, emaka kataNdu desken api sigurlah ibas pusuhku. Ngutkut ibas tulanku.Kucubaken sinik, tapi latersinikken aku.
   I Korinti 9:16 ; Situhuna labo lit hakku ermegah ibas meritaken berita simeriah e, sabab terpaksa kap aku. Janah cilaka kal aku adi lakin kuberitaken berita simeriah e.
   Kata :”Desken api sigulah”, “Ngutkut”, “Terpaksa” ras “Cilaka”, ngajuk kita maka kepeken lanai bo lit dalanta nilah selain meritaken kiniulin Dibata e
4. Ndigan waktuna kita arus nehken berita e; gundari!, tengteng ras la tengteng waktuna, lit gia kiniseran, ijapa pe ras alu erbage-bage cara.
   Arus siinget maka nehken berita e eme tanggung jawabta selaku suruh-suruhen Dibata. Pemahamen secara sederhana ; Berita e arus isehken, la gia teraloken kalak / la erguna man bana tapi man banta erguna kal, alu kata sideban ndahiken berita simeriah labo rugi sabab labo hanya kalak tapi terlebih pe man gunanta sendiri.
5. Gelah ula hanya pengajuk renungen Pekan Penatalayanen berngi sipeempatken enda; mari iajuk kita guna ngelakoken konsep PI sederhana enda.

Invocatio :

Andiko ulina ras senangna adi kalak si ersenina ersada
perarih, Mas.133:1

Ogen :

Johanes, 17:20-23

Tema :

Kerinana Guna Kerinana (Semua untuk semua).

 

Bena Kata.
Sikataken bujur man Tuhan, enggo seh kita kubas wari sipeteluken ibas Kebaktin pekan penatalayanen GBKP Tahun 2016. Tema bahan pekan-ta wari/berngi enda eme: Kerinana Guna Kerinana (Semua untuk semua), erti tema-ta enda eme  kiniersadaan. Kiniersadaan eme sada ciri-ciri kegeluhen kalak sienggo ngaloken Kristus. Kiniersadaan e banci ilakoken adi kerina bagin nggejabken

 

Bimbingen Khotbah.
Judul perikope Yohanes 17, eme Jesus Ertoto kerna ajar-ajarNa, termasuk man kerina kalak sierkiniteken man Tuhan Yesus, lit piga-piga topik pertoton Tuhan Yesus ibas perikope enda eme:

• Segelah Ajar-ajar tetap ikep-kep Dibata.
• Segelah Ajar-ajar tetap ipebadiaken Tuhan
• Segelah ajar-ajar tetap ersada bagi kiniersadaan Yesus Kristus ras Dibata
• Segelah arah kegeluhen Ajar-ajar gelar Dibata ipermuliaken.

Ogenta ibas Johanes, 17:20-23, eme Pertoton Tuhan Yesus Kristus segelah ajar-ajarNa ras kalak sierkiniteken tetap nggeluh ibas kiniersadaan, sope Yesus Kristus ngalaken kiniseran, mate ikayu persilang ras nangkih ku sorga. Yesus Kristus ertoto segelah ajar-ajarNa selaku perberita  Simeriah tetap ersada ukurna sada pengidahna kerna Injil. Arah kiniersadaan ajar-ajar ras perpulungen si tek e  berita simeriah e reh mbarna iberitaken. Arah ogen enda sieteh maka kiniersadaan e seh kal perlu ras penting icidahken kalak Kristen.

 

Kitab Perbahanen Rasul-rasul.2:43-47, konteks renungan khotbah enda eme kenca nusurNa Kesah siBadia, Ajar-ajar Tuhan Yesus meritaken Berita Simeriah kerna Yesus Kristus man jelma sinterem, melala tanda-tanda sengget sinilakoken ajar-ajar erkiteken kuasa Kesah siBadia, emaka entereml kalak iperidiken ras ngakuken Yesus Kristus eme Tuhan ras Juruselamatna, emaka iajuk rasul-rasul e segelah perpulungen sienggo iperidiken nggeluh sikeleng-kelengen bagi si ersenina. Cara nggeluh kalak si erkiniteken e eme :

1. Kalak si erkiniteken tetap pulung ras-ras, janah la erbana-bana tapi mediate sada ras sidebanna, mperdiateken keperlun sapih-sapih perpulungen.  Ndayaken erta-ertana janah duitna ibagiken sue ras keperlun sekalak-sekalak. Enda me kegeluhen  perpulungen si ngena ate Tuhan Dibata, la ngena ate Tuhan adi perpulungen nggeluh guna ngukurken dirina saja-sementara enterem senina-senina si sada perpulungen nggeluh ibas kekurangen. Tapi iajuk segelah kita nggeluh bagi siersenina sada perarih (Bdk. Introitus).
2. Ersada arih pulung ersembah ibas rumah pertoton guna ersembah ras mpermuliken Tuhan Dibata. Ersembah man Dibata jadi sada kerincuhen ate perpulungen si tek man Tuhan, bagi sienggo isehken pemasmur, ia tetap ertedeh ate guna reh ku rumah pertoton guna muji mpermuliaken Dibata.
3. Ngena ate kalak sienterem ngidah perbahanen perpulungen e, janah tep-tep wari itambahi Tuhan beligan kalak si iselamatken. Kegeluhen perpulungen si erkiniteken teridah arah kerina dampar kegeluhen, cara  rukur, cara ngerana, bagepe lagu-langkahna, ngena ate kalak natap-natapsa ras pe jadi teladan ibas kegeluhen.

Refleksi.

1. Salah sada dampak negatif perkembangen zaman enda eme, masyarakat lebih individualis, ngukurken diri sendiri, secara individu lanai meriah nggeluh ras keluarga,  engkai... erkiteken melala persaingan-persaingan sada ras sidebanna seh maka lanai lit waktu guna persekutuan/ibadah. Enda me sada tantangen si harus ialaken warga jemaat ta, emaka ibas Pekan Kebaktin Penatalayanen enda iajuk kita segelah tetap menyadari kerna keberadaanta selaku kalak Kristen, kita labo nggeluh guna dirinta sendiri tapi kita harus jadi pasu-pasu man kalak sideban. Enterem kalak ibas lingkungenta si ngenanami kiniseran, subuk kalak Kristen bagepe la kalak Kristen kita harus mediate guna nampati ia ras mpenahangi perbebenna, bdk. Gal.6:2.
2. Yesus Kristus enggo ertoto man kerina Ajar-ajar bagepe kalak sierkiniteken, kita pe selaku kalak sierkiniteken tetap notoken perdalanen berita Simeriah ras jadi perberita simeriah arah lagu-langkah perbahanenta, segelah gelar Tuhan ipermuliaken.

Pdt. Togu P.Munthe
GBKP Rg. Cililitan

 

Invocatio :

Kalak si megombang dingen meganjang rukur nggit
mandangi dingen jago akapna bana” (Kuan-kuanen 21: 24)

Ogen :

Jesaya 1: 21-23

Khotbah:

Ketangkasen 2: 1-7

Tema :

Lanai Atendu Keleng Bagi Sigel-gel

 

 

Kitab ketangkasen (Ind: Wahyu) sering ianggap sebagai kitab ramalan kerna kedungen zaman. Pengertin secara harfiah ketangkasen/wahyu eme penyingkapen, penyataan. Enda labo ertina ramalan bagi ramalan masa depan si populer ibas zaman gundari. Ketangkasen enda eme salah sada kitab nubuat. Nubuat eme melihat masa depan dengan mata iman, berdasarkan pengalaman dengan Allah.  Isi kitab enda jadi pergegeh ibas situasi perpulungen i Asia Kitik, si paksana itindas penguasa Kaisar Romawi si menuntut dirina ipuja dingen isembah, adi nembah Tuhan lit ukumen bahkan penganiayaan. Ije perpulungen ibere penghiburen gelah tetap erpengarapen man Tuhan dingen megegeh bas kinitekenna.