Suplemen PA Mamre : Matius 12: 33-37 ; Tgl 26-Juli s/d 01 Agustus 2020
Ogen : Matius 12: 33-37
Tema : Biak Si Mehuli
Tujun : Gelah Mamre 1) Meteh maka si mehuli e rehna ibas Dibata nari 2) Ndalanken si mehuli ras tetap mempertahanken si mehuli ibas geluhna.
Ibas Matius 12: 33-37 enda Tuhan Yesus ngerana man Kalak Parisi. Ituriken ibas perikop sebelumna, maka ipepalem Yesus kalak si pentang dingen bisu perbahan iseluki setan. Alu kuasa si lit ibas Ia ipelawes Yesus setan ibas kalak e, minter ia beluh ngerana dingen erpengidah. Enda jadi sada tanda si mbelin man jelma si nterem, mulai kalak tek maka Yesus tuhu-tuhu Mesias si ipadanken. Tapi kalak Parisi la tek, jenari gelah si nterem pe la tek man Yesus, ikatakenna maka Yesus mpelawes setan alu kuasa setan si terbelinen (Balsebul). Tuduhan ini semata-mata mereka lakukan untuk menjatuhkan Tuhan Yesus. Enggo lit sura-surana guna munuh Yesus (Mat 12: 14).
Kalak Parisi berulang kali ndarami kesalahen Yesus. Labo hanya ibas kesempaten enda saja, tapi piga-piga kali eme:
- Yesus mpepalem kalak mate serapen tanna ibas wari Sabat (Matius 12: 9-14)
- Sekalak diberu si terdat erlua-lua ibaba ku Yesus gelah Yesus si nentuken ukumen man bana (Yohanes 8: 1-11)
- Penungkunen kerna penggalar pajak man Kaisar Roma (Matius 22: 17-21)
Ibas piga-piga kali kalak Parisi ras guru Undang-undang erusaha ndarami kesalahen Yesus, lalap la berhasil. Sebab jawaben si ibereken Tuhan Yesus la terbantah kalak Parisi. Tapi kalak enda pe la keri akalna, usaha jahat guna menjebak lalap idaramina gelah banci Yesus e terbukti bersalah janah iukum. Kalak enda la pernah menyerah ndarami kesalahen Yesus. Bage me karakter si lit ibas kalak Parisi enda, maka ikataken Yesus piga-piga hal, enda menjadi perenungen ibas PA Mamre:
1. Pohon yang baik menghasilkan buah yang baik. Hati yang baik menghasilkan perkataan yang baik. Kai pe si ndarat arah babah rehna ibas pusuh nari. Dibalik setiap ucapan ada motivasi. Orang lain hanya mendengar yang kita ucapkan, tapi Tuhan mengetahui motivasi dibalik ucapan kita, baik atau buruk. Emaka metenget lah Mamre. Rusur sibegi lit si ngatakenca, ‘adi ia pengeranana ngenca bage rampusna, lang ukurna mehuli nge’. Aturna arah ukur si mehuli e turah pengerana ras perbahanen si mehuli. Labo banci berbeda antara kai si ibas pusuh ras si ndarat arah kita. Mehuli e jadi karakter/biak min ibas Mamre. La wari-warin, sung mehuli kal, sung reh ka rampusna la terdeheri. Mamre arus mehuli katawari pe.
2. Kalak Parisi e kesusuren nipe si jahat (ular beludak). Ular beludak enda teridah merupa tapi berbisa dan berbahaya. Enda nuduhkenkalak Parisi si berpendidikan, cendekiawan, tapi juga lihai dan licik.Menguasai hukum-hukum Yahudi tapi isi ibas pusuhna labo mehuli. Terus mencari cara untuk menemukan kesalahan Yesus. Bahkan enggo berencana guna munuh Yesus. Bagenda me biak si la mehuli. Senang mencari-cari kesalahan, suka mencari masalah. Biak si bagenda rupa ula lit ibas Mamre. Sipelihara biak si mehuli e ibas dirita, maka kari kita terbiasa ngidah si mehuli ibas kai pe.Ibas dirita lebe, emaka si sekelewetta. La gia sempurna kerina, lit kekurangen, tapi labo kekurangen kalak si ipebelin Mamre. Ngasup min ngidah si mehuli ibas ndehara, anak-anak, ras teman sapih-sapih Mamre. Bagepe bas hal si mberat si jadi ibas geluhta pe ngasup kita ngidah titik terang. Lit si mehuli isikapken Tuhan dibalik kerina peristiwa. Ibas si la bagi ukur pe tetap ngasup berpikir positif, la terbawa emosi. Sada kuan-kuan kerna mata lebah ras mata lalat. Adi mata lebah, ibas ingan si melket e tetap daramina si ntebu. Bicara ibas padang sampah ia, alu matana daramina bunga. Tapi mata lalat sebalikna, ibas padang bunga pe daramina sampah si macik. Mata si ndarami si mehuli ntah ndarami si la mehuli kin si lit ibas kita?Ula kita jadi kalak si lalap ndarami kesalahen ibas kai pe. Ula kita ndarami kekurangen ibas kai pe.
3. Pengerana ras perbahanenta nuduhken identitasta. Pengerana anak-anak Dibata harus berbeda adi bandingken ras kalak si la nandai Tuhan.Maka hubungen Mamre ras Dibata perlu terus-menerus ibangun.Alu bage kerina si ilakoken kita, siibelasken kita, kita iajari Kesah Si Badia. Adi Kesah Si Badia si ngajari kita, maka pengeranata sifatna membangun labo meruntuhkan, jujur labo berbohong, ucapan berkat bukan kutuk. Metengetlah kita kerna kai sibelasken kita sebab ayat 37 nina sabab arah kai si enggo ibelaskenndu me kam iadili.“Adi kam ngerana ola sitik pe belasken cakap si la erturi-turin. Tapi kata-kata si erguna lah belasken, si banci nampati kalak sideban rikutken perluna, gelah kata-katandu e maba kiniulin man si megisa.” (Epesus 4:29)
SELAMAT ER-PA MAMRE
Pdt. Yohana br Ginting
GBKP Rg. Samarinda