Suplemen PA Mamre : I Korinti 13 : 1 - 7

Ogen  : I Korinti 13:1-7

Tema  : Tudu Kata ras Perbahanen

Tujun Paulus nuriken keutamaan keleng ate ibas 13:1-3 labo guna mbandingken antara pemere Kesah ras keleng ate, tempa-tempa sipertama kurang ipentingken. Dua hal enda pemere Kesah ras keleng ate labo dua pilihen siarus ipilih salah sada. Sebalikna Paulus nekanken ibas makeken pemere Kesah sibenar arus rehna ibas keleng ate nari. Adi pemere Kesah e ipraktekken tanpa keleng ate, maka sienda erbahanca kurang bernilai.

(13:1) “… ibas kerina cakap manusia janah ibas cakap malekat pe…” sebagin perpulungen Korinti tek adi beluh ia berbahasa roh ibas pengertin bahasa malekat maka enggo hebat kinitekenna. Sementara ijenda Paulus nekanken sifat spektakuler arah bahasa roh e entah bahasa manusia ntah pe bahasa surgawi si la iangkai manusia. Berbeda ras perpulungen Korinti si sangat menggilai bahasa roh janah jadikensa e salah sada sumber kesombongen ras perselisihen. Paulus mindo man perpulungen gelah ngenehen bahasa roh e alu kaitenna ras keleng ate.

(13:2-3) “…sia-sia me aku….labo lit untungna man bangku” alu kata sideban, kerina pemere Kesah e mehuli, erkiteken rehna ibas Dibata nari (12:4-7,11). Amin bage, labo kerina otomatis mereken dampak simehuli man banta, khususna ibas paksa kita makekensa tanpa keleng ate. Ay.3 “bicara kusumbangken pe kerina ertangku… labo lit untungna man bangku” ngatakensa maka ukuren mere ras pengorbanen labo berdasar belinna siibereken/ikorbanken ntah pusuh simeresa. Dibata ngenehen seh kubas pusuh. Banci saja ibas mere e sumberna la ibas keleng ate situhu-tuhu (tulus). Sebagin mere erkiteken terpaksa, sideban berani erkorban sebab ngarapken balas arah kalak sienggo isampatina ntah pe pahala ibas Dibata nari. Kerina sienda reh na la ibas pusuh si lit keleng ate. Ma kin keleng ate siilakoken guna ndatken keuntungen diri sendiri situhuna eme keegoisen? Pengajaren man banta eme : adi kita ngelakoken pengorbanen ntah mere man kalak sideban tanpa keleng ate, situhuna labo lit sidatken gunana arah perbahanenta e. sebalikna adi kita ngelakokensa alu keleng ate (keinginan untuk memberikan manfaat atau faedah bagi orang lain), maka kit ape pasti datken manfaat ras faedah arah siilakoken kita e.

Karakteriktik keleng ate eme: (1) keleng ate e labo terjeng perasan, (2) keleng ate e pasif ras aktif, (3) keleng ate la meneken kata persinget (teguran). Keleng ate e rehna ibas Dibata nari, ras pe ncerminken kai siilakoken Dibata man banta. Dibata labo hanya menuntut kita ncidahken keleng ate tapi I ape mereken teladan. Kai siilakokenNa man gunanta harus jadi palasta ibas memperlakukan kalak sideban. Keleng ate Dibata labo terjeng guna inikmati tapi iikuti.

Keleng ate e mengenggeng/saber (perlu sisedari maka geluhta end ape erkiteken kinigenggengen/saber Dibata. Adi labo erkiteken kesabarenNa labo banci kita nggeluh seh asa gundari. Situasi geluhta banci saja erbahan kita lanai megenggeng tapi alu erpengendes bagepe hubungenta ras Kesah si Badia ipengasup me kita tetap megenggeng), mehuli (tep-tep kali kita nginget kerna kiniulin Dibata alu mereken keselamaten maka kit ape iajuk guna ncidahken kiniulin sibage, labo bias terjeng megenggeng saja tapi arus ka pe kita ncidahken perbahanen si mehuli), la percian (tambar nandangi kalak si percian eme perlu litna kesadaren kerna kedaulaten Dibata. Kesadaren nandangi si e nampati kita guna tetap ngasup ngataken bujur, teneng ras ndalani geluh alu meriah ukur), la meganjang ukur (keleng ate erbahansa kita ngasup ngaloken dirinta ibas kelebihen ras kekurangenta bagepe ngasup ngaloken kalak sideban ibas kelebihen ras kekurangenna pe. Keleng ate e labo erbahan kita ngerendahken kekurangen kalak alu ngelebihken kehebatenta), la sombong (kesombongen cenderung nempatken kita idatas kalak sideban, tapi keleng ate justru nempatken dirinta iteruh kalak sideban guna saling memahami ras ngelai), la mekarus (kai pe siipandang hina ibas masyarakat ntah pe simengakibatkan kehinaan nandangi kalak sideban arus ipedauh ibas kalak si lit ibas keleng ate), la ncariken untung man bana saja (keleng ate berfokus nandangi kepentingen kalak sideban, erbahansa kita ngasup ngorbanken hak ras kebebasenta gelah kalak sideban banci bertumbuh. Bukti keleng ate simbelinna eme pengorbanen Jesus i kayu persilang), la pergelut (kalak si pergelut berarti ibas lalit keleng ate, la ngasup memahami kalak sideban, la ngasup mengerti kerna kalak sideban), la ngkira kesalahen kalak (kunci gelah ngasup kita ngalemi kalak sideban eme alu bandingken kesalahen kalak man banta ras kesalahenta “dosa” man Dibata. Adi dosanta man Dibata pe ialemi ras lanai iinget-inget Dibata maka tep-tep kesalahen kalak sideban pe berarti jadi kesalahen sipertama, erkiteken sindekah lanai iperhitungken), la meriah ukurna adi kalak erbahan si jahat , ikut ermeriah ukur ibas sibenar, ngasup nggengken kai pe, tek lit simehuli, tetap erpengarapen, ras saber ibas kai-kai pe (keleng ate iwujudken arah konsistensita ibas ngalaken situasi si la menyenangken guna kiniulin kalak sideban. Bagi Paulus

nggit ngenanami penderitaan gelah kalak sideban banci megiken berita si meriah. Bagepe kita arus ngasup saber ibas situasi si la bagi ukurta guna kiniulin kalak sideban. Kerelaan guna erkorban ras ertahan eme bukti keleng ate sejati).

Pdt  Nenni Traina br Sitepu

Rg GBKP  Cisalak