Suplemen PJJ ; Efesus 2 : 8-10 ;Tgl 26 Juli -1 Agustus 2020

(Ngelitken ras Merawat Inventaris Gereja)

Nats   : Efesus 2:8-10

Tema  : Ngerencanaken Ras Ndahiken

Ibas 79 Tahun GBKP NJayo,  melala kel tuhu perkembangan-perkembangan si terjadi. Wilayah pelayanan semakin luas ibarengi alu pembangunan-pembangunan gedung gereja. Enda tuhu sada prestasi si luar biasa, si banci siidah wilayah pelayanan GBKP.  Tentu kerina enda banci terjadi erkiteken lit sada dasar sinteguh sierbahanca maka GBKP banci berkembang dari waktu ke waktu.

Enda me siitekanken  Rasul Paulus ibas suratna man perpulungen Efesus, alu ngajuk ndalaniken sura-sura Dibata ibas kegeluhen guna persadan manusia ibas Jesus Kristus. Jadi lit 2 point penting eme ibas kegeluhen eme Nggeluh ibas persadan ras Sura-sura Dibata/Kiniteken. Ituriken Paulus maka persadan e banci jadi erkiteken Dibata Bapa enggo milih bangsaNa, ngalemisa ras mbebaskenca arah Jesus Kristus AnakNa. Emaka  Perikop bahan PJJ nta pe nuriken kerna perubahan kecibal  ibas kematen ku kegeluhen.  Dosa erbahanca manusia kehilangen kegeluhennna, tapi Dibata arah Yesus Kristus ngangkatken manusia ibas kematen nari bengket ku bas kegeluhen si rasa lalap. Kerina e jadi erkiteken lias ate Dibata sierbahanca kita terkelin, iepeke Dibata kita, ipekundulNa kita ras Ia guna sada tujun eme gelah reh ngasupna kita ngidah kiniulin Dibata ibas Jesus Kristus man banta. Lias ate Dibata nge sierbahanca kita selamat labo erkiteken perbahanenta. Jadi perbahanenta eme buah ibas kita nggejapken lias ate Dibata  si enggo leben nelamatken kita. Lit sada kuan-kuan nina “tidak ada konsep Moral tanpa Agama”. Contohna, Aku mengasihi karena iman. Ketika kita mengasihi tanpa iman, berarti aku mengasihi untuk kepentingan diriku sendiri.  Jadi iarapken pe maka lias ate Tuhan jadi palas ibas ndalani kegeluhen ibas kiniersadan. Aminna pe berbeda suku, latar belakang, kebiasaan tapi kerina enggo irakut alu lias ate Tuhan sebagai anak-anak si enggo iselamatken,  sienggo ipilih guna ndahiken dahin-dahin si mehuli sienggo leben irencanaken Tuhan, guna sidahiken. Jadi mari sicidahken kinitekenta ras lias ate Dibata sienggo sialoken e alu muat bagin ibas dahin Tuhan, eme ngelitken ras merawat inventaris gereja. Adi sinen nominal aset-aset gereja  sebagian besar totalnya mencapai miliyaran rupiah, si e pe ndube ilitken sebagai ulih nggeluh ibas kiniersadan.  Kerina mpersada gegeh aminna pe labo seri gegehta. Tapi melala denga kel siidah kurangna kesadarenta guna njagai ras merawat.  Tentuna adi lit barangnta simeherga labo mungkin siampar-amparken, tapi pasti sijagai ras siperdiateken.  Tapi mekatep enda la teridah ibas kecibal nandangi rumah pertotonta bagepe kerina inventaris si lit. Mungkin karena ini milik bersama she maka kita kurang merasa memiliki, piah sidalih-dalihen (enggo lit tim inventaris, koster, rsdna). Semestinya  ibas perawaten pe harus menjadi gerakan bersama ibas sada persadan. Emaka tetaplah sibuat baginta aminna pe sitik/kitik tapi ula sempat ketadingen kita ibas dahin ngelitken ras merawat inventaris gerejanta. Alu pengarapen, arah perbahanenta e, teridah kinitekenta sebab kerina enda guna pujin man Tuhan.  

Pdt Sripinta br Ginting

Rg GBKP Cileungsi