Khotbah Nutup Tahun 31 Desember 2021 : Jeremia 29:10-14

Invocatio    : Keleng ateNa mbincar teptep erpagi-pagi, bali tetapna ras matawari si pultak arah Timur (Perngandungen 3:23)

Ogen           : Ogen 5:13-16 (Tunggal)

Khotbah      : Jeremia 29:10-14 (Tunggal)

Tema           : Dibata nikapken wari si Pepagi man banta

KATA PERLEBE

Ada lagu rohani yang mengingatkan kita bahwa kita tidak tahu apa yang akan terjadi ke depan dalam hidup kita, “tak ku tahu kan hari esok, namum langkahku tetap, bukan surya ku harapkan, karna surya kan lenyap. O betapa ku gelisah  akan masa menjelang, ku berjalan dengan Yesus, maka hatiku tenang. Banyak hal tak ku pahami, dalam masa menjelang. Tapi trang bagiku ini, tangan Tuhan yang pegang.” Sekali nari Lalit simetehsa kerina warinta si pepagi. Apakah terang ntah gelap, berhasil ntah gagal, sehat ntah sakit, tapi sada sipasti, Dibata la pernah nadingken kita. Keleng ateNa la pernah erleka man banta sierbahanca tetap kita mejuah-juah, bahkan ngasup jadi berkat sekali pe i bas erbage-bage situasi sulit sibakal sialami.

Rancangen Tuhan tetap maba kiniulin i bas geluhta, bahkan i bas situasi silabagi ukurta sekali pe, sabab Ia simemeng kendali, berdaulat penuh i bas geluhta. Kai siterjadi man Jusuf sebagai salah sada contoh, maka enggo jahat sura-sura seninana man bana, tapi banci iubahken Tuhan jadi mehuli. Emaka i bas kita nutup tahun enda, mulihi kita ipersingeti, Dibata ngenca nikapken wari sipepagi man banta (Hanya Tuhan yang merancang kehidupan kita). Sura-sura Tuhan nandangi geluhta guna wari pepagi walaupe lenga jelas, sada hal sipasti maba kiniulin ( TB-LAI membawa damai sejahtera, bukan kecelakaan).

PEBAGESI TEKS

Perikop enda merupaken jawaban ibas perkataan si la benar si belasken nabi Hanania  (ps. 28), seolah-olah Dibata singerana, maka kuasa Raja Babilon enggo iperperken, maka dua tahun ngenca bangsa Yuda i pembuangen Babel. Tentu saja nubuaten palsu enda erbanca turah pengarapen, tapi enggo pasti pengarapen palsu (PHP).

Emaka Jeremia alu suratna nuriken perkataan Tuhan, si tole jadi pergegeh, pengarapen sekaligus kesabaren, sebab labo dua tahun tapi pitu puluh tahun bangsana enda iambeken ku Babel. Surat Jeremia enda itulis kenca sada ntah dua tahun bangsa enda i pembuangen Babel  (597 SM).

Ibenai alu kai saja siarus ilakoken bangsa enda mengisi aktivitas kegeluhen selama i pembuangen (ps. 29:4-7;  majeken rumah, suani peken, erjabu dingen mupus, erdahin guna kiniulin kota ras erototo guna keperlun kota e sabab adi sikap bangsa e, bangsa Juda pe ikut nge sikap). Ertina, alu tetap beraktivitas, maka wari-wari kegeluhen bangsa Dibata enggo terisi alu erbage kegiaten sierbahanca la gejap kepeken enggo pitu puluh tahun bangsa enda i pembuangen Babel. Selain si arah kai siilakoken bangsa Juda  maka enggo jadi pasu-pasu man Babel sinaban bangsa enda.

Sipeduaken, sijadi bahan perikopta eme kata pengarapen, janji pemulihen kerna masa depan bangsa e, kenca enggo idalanina masa pitu puluh tahun i Babilon.

Piga piga poin penting siikataken Tuhan arah Jeremia :

Tuhan tetap mperdiateken umatNa, ras padan siisehkenNa pasti itepatiNa, maka ibaba Tuhan mulihken bangsa Juda ku Jerusalem. Ras enda terbukti asum pemerentahen raja Persia, Koresy/ Koresh Agung. Maka musuh sekali pe banci ipake Tuhan guna mereken serpang pulah man umatNa. (Bnd. Esra 1:1 Pada tahun pertama zaman Koresh, raja negeri Persia, TUHAN menggerakkan hati Koresh, raja Persia itu untuk menggenapkan firman yang diucapkan oleh Yeremia, sehingga disiarkan di seluruh kerajaan Koresh secara lisan dan tulisan pengumuman ini:  Bahasa Karo Si enda ilakoken TUHAN alu pekeke ukur Raja Kores). Situhuna, lit sura-sura sila mehuli i bas raja Kores ngulihken Israel pembuangen nari ku Babel, gelah banci iperluasa daerah jajahahen she ku Israel. Sekaligus ibuatna ukur umat Tuhan gelah banci ipandang sebagai pembebas si tuhu-tuhu mehuli kel ukurna. Tapi adi siidah Esra 1:1 ndai maka jelas, Tuhan sendiri simpekeke ukur Koresh, Tuhan menggerakan hati raja Koresh, walaupe tujun raja Koresh eme guna stabilitas politikna jine.

Dibata ngenca simetehsa sura-suraNa nandangi bangsaNa, eme gelah bangsaNa senang labo cilaka. Walau sekali lit bas penghukumen, cara Dibata guna mpelimbarui bangsaNa, gelah jadi bangsa si taat man Tuhan. Rencana Tuhan eme mereken wari si pepagi bagi siiarapken umatNa (Ind : Rancangan Tuhan adalah rancangan damai sejahtera, bukan rancangan kecelakaan, untuk memberikan kepada umatNya masa depan yang penuh harapan). Arah peristiwa pembuangen i Babel, umat Tuhan mulihi ku bas missi awalna umat Tuhan idilo eme jadi model bangsa si nggeluh guna Tuhan, bangsa si kudus, jadi imam-imamNa (Kel. 19:5-6). I Babel me umat Tuhan jadi teladan, model man lingkunengen uga kini arusna menyikapi erbage-bage kesuliten alu tetap lit hal-hal sipositif, peluang guna erbahan simehuli. Ertina, arah si la mehuli e pe banci iobahken Tuhan jadi mehuli guna kiniulin man umatNa. Sabab Tuhan sierdolat penuh i bas kegeluhen umatNa.

Janji Tuhan arus irespon umatNa alu tetap setia ernalem man Tuhan, mengandalkan Tuhan (Erlebuh, ertoto, ndarami Tuhan alu bulat ukur), maka Tuhan ngaloi ras njumpai umatNa. Pertoton siipenangkih umatNa alu ketutusen maka ibegiken Tuhan walaupe bas pembuangen. Sebab sedekah enda, bangsa enda usur ngeliami Tuhan. Ibadah terjeng formalitas ngenca, bahkan erdua tuan, maun ersembah man Tuhan, la akapna pas ersembahka man kuasa sideban. Emaka i jenda, janji kelepasen arus irespon alu perubahen sikap i bas ernalem man Tuhan. Bulat ukur ersembah man Tuhan, la banci setengah hati.

APLIKASI

Berngi/wari enda sibahan kebaktin akhir tahun. Ngataken bujur kita ibas itaruhkenNa kegeluhenta seh ibas wari si sendah. Enda nuduhkenca maka Dibata nemani kita mentasi tahun 2021, tahun si sulit erkiteken pandemi lenga erkedungen, tapi ibas wari/berngi enda terbukti maka Tuhan si enggo naruhken kita alu mejuah-juah she ku ujung tahun enda. Kai bakal siterjadi i bas i bas tahun pepagi sikentisik nari bakal sibengketi, la ise pe metehsa.

Kai pesan Firman Tuhan man banta :

Sada lebe, berjalan tetap dengan iman. Ola kita mbiar, aru ate, walaupe lenga bo jelas wari-warinta si pepagi. Apakah pandemi sudah berakhir, itu juga masih belum pasti. Tapi sipasti, Dibata tetap mperdiateken kita anak-anakNa. Blessing in disguise (berkat tersembunyi). Ada banyak berkat-berkat yang disediakan Tuhan, atau peluang peluang di masa sulit sekalipun. Si penting berjalan tetap dengan iman ras tetap berpikir positif, ula bene ukur/putus asa. Imani saja, rancangan Tuhan i bas geluh la enggo pernah rancangen kecelakan tapi rancangen damai sejahtera, si la mehuli pe banci iobahken Tuhan jadi mehuli banta. I bas siaran Motivasi Kick Andy Perempuan Hebat tidak menyerah Cobaan Hidup yang Berat  “Yesaya  Fermindi Hohu Penyntas kangker  payudara stadium 4  si enggo menyebar ku piga piga anggota tubuhna sideban, bahkan ku tulang belakang sierbahanca la nari ia banci erdalan.Tapi  bas sakit pinakit sialamina tetap ia ngasup jadi berkat.  Emaka i bas dahinna sebage tukang kacamata, sen siipepulungna, sebagian iberekenna man kalak si membutuhken. Dalam sakit penyakit yang dia alami, tetap produktif, bertahan, bersyukur dan menjadi berkat.

Sipeduaken, gelah rancangen Tuhan tetap erdahin i bas geluhta, maka baginta eme tetap ernalem man Tuhan. Ngasup kita tetap bertahan, , megeggeng bersyukur i bas erbage bage hal si labagi ukurta sekali pe adi tetap kita mengandalken Tuhan i bas geluhta. Bagi nina Jeremia man bangsa Israel, ertoto, erlebuh man Tuhan alu pusuh sidem pengateken bujur, ras ndarami ia alu bulat ukur.

Tuhan memberkati kita mengketi tahun simbaru tahun perkuah ate Tuhan 2022. Amin.

Pdt. Larena br. Sinuhadji